Qazaqstandyq sportshylar Bahreinde ótken badmintonnan halyqaralyq týrnirde jeńiske jetti, dep habarlaidy ULT.KZ.
Qazaqstandyq sportshylar badmintonnan Bahreinde ótken Bahrain International Series 2024 týrnirinde tamasha nátije kórsetti.
Álemniń túkpir-túkpirinen oiynshylar bas qosqan týrnirde Qazaqstannyń qos ókili Dmitrii Panarin men Aisha Jumabek aralas jup kategoriiasynda jeńimpaz atandy. Dmitrii Panarin de jekelei synda qola júldeni jeńip aldy.
2024 jylǵy Bahrein II halyqaralyq seriiasy kezinde Dmitrii Panarin 6 kezdesý ótkizip, qola medal jeńip aldy. Sonymen birge dýette Aisha Jumabekpen 4 kezdesý ótkizip, birinshi oryn úshin altyn júldeni jeńip aldy.
Finalda qazaqstandyq jup Dmitrii Panarin men Aisha Jumabek úndistandyq Kona Tarýn jáne Shri Krishna Priia Kýdaravalli dýetimen kezdesti. Panarin men Jumabek 21-18, 21-15 esebimen jeńiske jetip, aralas jup kategoriiasynda altynnan alqa taǵyndy.
Dmitrii Panarin 2024 jyldyń 19-24 qarasha aralyǵynda Bahreinniń Manama qalasynda ótken Bahrain International Series II 2024 týrnirinde sátti óner kórsetti.
Erler arasyndaǵy jekelei synda ol alǵashqy eki raýndta jeńiske jetti: 1/32 finalynda
Saied Ebrahim Hasandy 21-10, 21-11, al 1/16 finalynda Ahmad Aldjalladty 21-11, 21-8 esebimen jeńdi.
Osylaisha Bahreinniń Manama qalasynda qola júldeni jeńip aldy. Buǵan deiin Panarin 14-17 qarasha aralyǵynda Zambiia, Lýsakada ótken finalda Ázirbaijan ókilin utyp, altyn medal alǵan bolatyn.
