Bas prokýratýra men Ishki ister ministrliginiń qyzmetkerleri Bahrein Koroldiginen 1989 jyly týǵan Qazaqstan azamatyn ekstraditsiialady, - dep habarlaidy Tengrinews.kz.
Bas prokýratýra málimetinshe, ol Bahrein Koroldiginde jynystyq qanaý maqsatynda QR kámeletke tolmaǵan azamatshasyn satty degen kúdikke ilindi.
Qylmys jasaǵannan keiin kúdikti qylmystyq qýdalaý organdarynan jasyrynyp, oǵan halyqaralyq izdeý jariialandy.
Qazaqstan men Bahrein Koroldigi arasynda izdestirilip jatqan adamdardy ustap berý týraly shart bolmaǵan jaǵdaida, Bas prokýratýra Bahrein tarapymen aiyptalýshyny ekstraditsiialaý týraly ýaǵdalastyqqa halyqaralyq quqyqta qoldanylatyn ózara túsinistik qaǵidaty negizinde qol jetkizdi.
Búginde kúdikti Nur-Sultan qalasynyń tergeý izoliatoryna qamaldy.
Aita keteiik, bul qylmysqa qatysy bar birqatar adam buryn uzaq merzimge bas bostandyǵynan aiyryldy.
