Bahreinde joǵalyp ketken qazaqstandyq qyz Tagina Haitmetova úiine oraldy, - dep habarlaidy "Ult aqparat". Bul málimetti QR Syrtqy ister ministrligi baspasóz qyzmetiniń jetekshisi Ánýar Jainaqov rastady.
Ol Bahreinde joǵalyp ketken qazaqstandyq Tagina Haitmetovanyń qazirgi jaǵdaiy týraly da baiandap berdi.
«Ol Qazaqstanǵa óz betimen keldi jáne qazirgi ýaqytta týystarynyń janynda júr. Onyń ata-anasy bizge habarlasty jáne qyzdyń jaǵdaiy jaqsy ekenin, tek jaqyndarynyń qoldaýyna muqtaj ekenin habarlady. Tagina aitarlyqtai psihologiialyq soqqy alǵan jáne ózge adamdarmen tildesýge daiyn emes. Sondyqtan, ázirge oqiǵanyń mán-jaiy anyqtalyp jatyr», - dedi Á.Jainaqov.
QR Syrtqy ister ministrliginiń ári qaraiǵy is-áreketi jóninde Jainaqov barlyǵy zardap shekken qyzdyń sheshimine bailanysty ekenin basa aitty.
«Eger ol ózin Bahreinde kúshtep ustady dep aryz jazar bolsa, biz qaskóilerlerdi jaýapqa tartýda qol ushyn sozatyn bolamyz. QR Elshiligi men QR Syrtqy ister ministrligi qyz joǵalǵan sátten bergi jaǵdaidy baqylaýda ustap keledi. Óz kezeginde Bahrein politsiiasy jyldam jumys istep, birqatar izdestirý sharalaryn júrgizdi», - dep atap ótti Jainaqov.
"Astana áýejaiyndaǵy shekara qyzmetindegiler maǵan onyń Dýbaiǵa ushyp ketkenin aitty. (...) Kelesi kúni keshki ýaqytta ol bizge Bahreinnen jumys tapqanyn, qonaqúide qyzmetshi bolyp jumysqa turǵanyn aitty. Sol kúni video arqyly Bahreindegi bólmesin kórsetti. Sodan ol kelesi kúni jumysqa shyǵatynyn jáne onda ózimen birge uialy telefondy alýǵa bolmaitynyn jazyp jiberdi. Keiinirek habarlama jazýǵa ýáde berdi. Mine sodan beri, 29 shildeden beri odan habar joq. Qońyraý da barmaidy", - degen edi joǵalyp ketken qyzdyń anasy Matliýba Hanjanova.
Eske sala ketsek, tamyz aiynyń basynda qyzdarynyń joǵalyp ketkenin aitqan Tagina Haitmetovanyń ata-anasy Syrtqy ister ministrligine júgindi. 27 shilde kúni Tagina Astanadan Dýbaiǵa ushqan jáne sol jaqtan Bahreinge attanǵan. Eki kún ótken soń, týystary qyzben bailanysty joǵaltqan.
