2021-2022 oqý jylynda bakalavriatqa túsý úshin 56 myńnan astam grant bólindi, dep habarlaidy "Ult aqparat" BǴM baspasóz qyzmetine silteme jasap.
Biyl Prezidenttiń tapsyrmasy boiynsha granttardyń jalpy sany 5000-ǵa artty. Bilim berý granttaryn taǵaiyndaý konkýrsyna qatysý úshin ótinishterdi qabyldaý 13 shildede bastalyp, 20 shildege deiin jalǵasady.
Bilim berý granttary QR Eńbek jáne halyqty áleýmettik qorǵaý ministrliginiń derekterine jáne jumys berýshilerdiń suranysqa ie mamandyqtar týraly aqparatyna sáikes bólingen.
Granttardyń eń kóp sany injenerlik, óńdeý jáne qurylys salalarynda – 17 028 grant. Pedagogikalyq ǵylymdar – 9573 grant, aqparattyq –kommýnikatsiialyq tehnologiialar – 7487, jaratylystaný ǵylymdary – 4088, aýyl sharýashylyǵy ǵylymdary – 1895, densaýlyq saqtaý salasyndaǵy mamandyqtarǵa – 2700, óner jáne gýmanitarlyq ǵylymdar – 1615, biznes, basqarý jáne quqyq – 1223, áleýmettik ǵylymdar, jýrnalistika jáne aqparat mamandyqtaryna 960 grant bólindi.
«Máńgilik el jastary – indýstriiaǵa», («Serpin») baǵdarlamasy sheńberinde de granttar qarastyrylǵan.
«Talapkerler qujattaryn aqparattyq júie arqyly tapsyratyn bolady. Sonymen birge joǵary oqý oryndarynda virtýaldy qabyldaý komissiialary jumys isteidi. Mamandar ótken jyldaǵydai beine bailanys arqyly talapkerlerge keńes bered», – dep habarlady QR Bilim jáne ǵylym vitse-ministri Qýanysh Erǵaliev.
2021-2022 oqý jylyndaǵy bilim berý granttarynyń tolyq tizimi ashyq derekkózde ornalastyrylǵan.
