Elordada ótip jatqan buqaralyq mediany zańnamalyq retteý týraly konferentsiiada BAQ-ta jariialanǵan málimetterdi teriske shyǵarýdy talap etý merzimin 1 jylmen shekteý usynyldy, dep habarlaidy QazAqparat.
«Jýrnalisterdiń múddesin qorǵaý úshin BAQ-ta jariialanǵan málimetterdi teriske shyǵarýdy talap etý tártibin zańnamalyq túrde jaqsartýdy josparlap otyrmyz. Halyqaralyq praktika boiynsha, sonyń ishinde BUU standarty boiynsha, málimetterdi teriske shyǵarý týraly talap qoiýdyń eskirý merzimin bir jyl etip belgileý usynylady. Bul mass-mediany zańsyz talaptardan qorǵaýǵa múmkindik beredi. Óitkeni qazir bul talaptyń merzimi shektelmegen. Ár elderde bul merzim 1 jyllan 3 jylǵa deiin belgilengen. Biz sonyń ishinde 1 jyl merzimdi qaldyrýdy usynamyz. Qaraǵandyda birneshe jyl ótken soń talap etý praktikasy bolǵanyn esimizde», - dedi QR Aqparat jáne qoǵamdyq damý ministriniń orynbasary Kemelbek Oishybaev.
Atalmysh sharada, vitse-ministr sottan basqa organdar jýrnalisten derekkózdi ashýdy talap ete almaýy kerektigin aitty.
«Sondai-aq, aqparattyń qupiialylyǵyn qamtamasyz etý sharalaryn zańnamalyq deńgeide bektiýdi usynamyz. Atap aitqanda, jýrnalist alǵan aqparatty qupiia saqtaý shartymen jýrnalistiń jariialamaý quqyǵyn qarastyrý usynylady. Qupiia kóz tek sottyń talaby boiynsha ashylatynyn kózdeý qajet dep esepteimiz. Basqa jaǵdaida eshqandai organ derekkózdi ashýdy jýrnalisten talap ete almaýy kerek. Bul elimizde jýrnalistik zertteýlerdiń sapasyn arttyryp, osy baǵytty damytady dep oilaimyn», -dedi vedomstvo ókili.
