Soltústik Koreia basshysy Kim Chen Yn qarashada Reseige saparlaýy múmkin. Bul týraly Yonhap aqparat agenttigi Ońtústik Koreianyń Reseidegi elshisi Ý Iýn Gynge silteme jasap habarlady.
Elshiniń sózinshe, Máskeý buǵan deiin Kim Chen Ynnen Reseige osy jyldyń sońyna deiin saparlap qaitýdy suraǵan. Diplomat Soltústik Koreia sapar merzimi men ýaqytyn jáne kelissózde talqylanatyn máselelerdi talqylap jatqanyn aitady.
Kim Chen Ynnyń Reseige saparynan soń Resei prezidenti Vladimir Pýtin Soltústik Koreiaǵa barmaq.
Biyl 31 mamyrda Soltústik Koreiaǵa Resei syrtqy ister ministri Sergei Lavrov barǵan.
Maýsym aiynda Singapýrde AQSh prezidenti Donald Tramp pen Kim Chen Yn birinshi ret kezdesken. Onyń qorytyndysynda Korei túbegin iadrolyq qarýsyz aimaqqa ainaldyrý týraly deklaratsiiaǵa qol qoiylǵan. Qazannyń basynda Tramp Kim Chen Ynmen 6 qarashada ótetin Kongresske aralyq sailaýdan soń kezdesýi múmkin ekenin habarlaǵan.
Al birneshe kún buryn Phenian AQSh eger Soltústik Koreiaǵa salǵan ekonomikalyq sanktsiialaryn joimasa, iadrolyq baǵdarlamasyn jalǵastyratynyn eskertken.
