Qazaqstan Respýblikasy Mádeniet jáne sport ministrligi Til saiasaty komitetiniń tapsyrmasymen Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy 2019 jylǵy 25 qyrkúiekte «BAQ keńistigindegi terminder: tájiribesi jáne teoriiasy» taqyrybynda ádistemelik onlain-seminar ótkizedi.
Saiasi-ekonomikalyq, áleýmettik-mádeni damýdy nasihattaýda buqaralyq aqparat quraldarynyń erekshe oryn alatyny belgili. Qazaq tiliniń memlekettik til mártebesine sai qyzmet etýi men damýynda da BAQ róliniń airyqsha ekendigi anyq.
Seminar maqsaty – respýblikalyq BAQ ókilderi, belgili lingvist-ǵalymdar birlesip, buqaralyq aqparat quraldary keńistiginde qoldanylatyn terminderdiń tabiǵaty men erekshelikteri, memlekettik tilde aqparat taratý, sonyń ishinde til normasynyń saqtalýy, sóileý mádenieti, terminderdiń birizdi qoldanylý máselelerin talqylaý.
Onlain-seminarda «Qazaqstan» ulttyq arnasynyń bas redaktory Qainar Oljai (Nur-Sultan), L.N.Gýmilev atyndaǵy Eýraziia ulttyq ýniversitetiniń dotsenti, f.ǵ.k. Baýyrjan Imanǵaliev (Nur-Sultan), ál-Farabi atyndaǵy Qazaq ulttyq ýniversiteti Jýrnalistika fakýltetiniń dekany, f.ǵ.k, dotsent Saǵatbek Medeýbek (Almaty), E.Bóketov atyndaǵy Qaraǵandy memlekettik ýniversiteti Qazaq til bilimi kafedrasynyń professory, f.ǵ.d. Almagúl Ádilova (Qaraǵandy), Q.Jubanov atyndaǵy Aqtóbe óńirlik memlekettik ýniversiteti Filologiia fakýltetiniń dotsenti, f.ǵ.k. Balkenje Qaraǵulova (Aqtóbe), A.Baitursynov atyndaǵy Qostanai memlekettik ýniversiteti Jýrnalistika jáne kommýnikatsiialyq menedjment kafedrasynyń aǵa oqytýshysy Amangeldi Shýrentaev (Qostanai) baiandama jasap, BAQ terminderiniń qordalanǵan máseleleri tóńireginde oi órbitedi.
Onlain-seminar qorytyndysy boiynsha tiisti usynymdar ázirlenetin bolady.
Ótetin orny: Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy, Saýran kóshesi, 7a.
Bastalýy: saǵat 10.00.
