Budan bylai salyq organdarynyń aqparattyq alańdarynda tek zańdy tulǵalardyń salyq málimetteri ǵana qoljetimdi bolady, dep habarlaidy "Ult aqparat".
Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin salyq tóleýshilerdiń derekter bazasyna ishinara shekteýler engiziletinin málim etti.
«Memlekettik organdardyń barlyq aqparattyq júielerine reviziia júrgizip jatyrmyz. Áý basta jeke derekterdi qorǵaý bizdiń mindetimizge kirmegen. Al pandemiia kezinde sandyq arnalar jetildirildi. Sondyqtan qazir jumys istep jatyrmyz. Aqparattyq qaýipsizdik komiteti de bir jyl buryn qurylǵan. Ózi basym Qamqor.gov.kz. saityn qurǵan bolatynmyn Keiin maǵan da kez-kelgen jaǵdaida, kez-kelgen adam aqparatty teksere almaityndai etip, qandai adam aqparat suraitynyn bilý úshin ony aýtentifikatsiia arqyly jasaǵan durys dep túsindirdi. Bul jýrnalisterdi shekteý úshin jasalmaidy. Bul bizdiń azamattarymyzdyń derbes derekterin qorǵaý úshin jasalady», - deidi ministr.
Baǵdat Mýsin memlekettik organ saittary arqyly burynǵydai kez kelgen adamnyń JSN derekterin tabý múmkin bolmaitynyn eskertti.
«Qazirgi jaǵdaida aqparattyq qaýipsizdik komiteti osy derekqorǵa qoljetimdilikti durys iske asyrýdyń ártúrli nusqalaryn izdep jatyr. Búgingi kúni biz Memlekettik kirister komiteti tek zańdy tulǵalardyń salyq málimetterin alýǵa ǵana ruqsat beredi degen toqtamǵa keldik», - dep tolyqtyrdy ministr.
