Tsifrlyq damý, innovatsiialar men aeroǵarysh ónerkásibi ministri Baǵdat Mýsin Prezident Joldaýy aiasynda ózi jetekshilik etip otyrǵan vedomstvonyń basty maqsatyn atady, dep habarlaidy QazAqparat.
«Prezidenttiń Joldaýyna bir qujat kúiinde ǵana qaramaý kerek. Sebebi Memleket basshysynyń buǵan deiingi aitqan sózderi men kótergen bastamalary osy Joldaýdy tolyqtyryp tur. Bizge qatysty eń basty aitylǵany tsifrlandyrý – búkil reformanyń bazalyq elementine ainalýy tiis. Bul – maqsatqa jetýdegi qural. Ártúrli saladaǵy mejelerge jetý, memlekettik basqarý júiesin jańǵyrtý sekildi salalarda tsifrlyq maqsattar bar. Al bizdiń maqsat – shynynda da búkil reformalar protsesin jedeldetetin bazalyq elementke ainalý. Jalpy Memleket basshysy bizge júktegen protsesterdi jedeldetetin bazany qurýymyz kerek», - dedi Baǵdar Mýsin Prezidenttik jastar kadrlyq rezervindegi azamattarmen kezdesý barysynda.
Ministr Memleket basshysynyń onlain-petitsiialar týraly aitqan bastamasy qoldaýǵa ie bolǵanyn, ony ázirleýge ózi jetekshilik etetin ministrlik Aqparat jáne qoǵamdyq damý ministrligimen birge atsalysatynyn jetkizdi.
«Data-ortalyqtar men mainingti ister boiynsha biz Qazaqstanǵa 500 mlrd teńge investitsiia tartýymyz kerek. Sonymen qatar, Prezident bizge IT-salany ónerkásip salasyna jaqyndatýdy júktedi. Álem ekojúie startapyn qalyptastyrý fazasyna ótip ketti. Osynaý qatty jyldamdyqpen kele jatqan álemdik trendten biz de qalysqymyz kelmeidi. Shynynda da ekinshi whatsapp nemese qandai da áleýmettik jeliler túrin oilap tabýǵa bolady. Al biraq shyntýaitynda biz memleket retinde óz basymdyqtarymyzdy aiqyndap alýymyz kerek. Ózimizdiń bazalyq resýrstarymyzdyń arqasynda qandai da bir on úzdik salany alaiyq. Máselen munai, taý-ken ónerkásibi salasynda Qazaqstan álemniń 10 nemese 20 úzdik memleketiniń qatarynda. Mine, biz ekojúielerdiń startaptaryn osy indýstriiaǵa jaqyndatqymyz keledi», - dedi ol.
Eske sala ketsek búgin elordada Prezidenttik kadrlyq rezervtegi jastar birqatar ministrmen kezdesý ótkizdi. Naqtyraq aitqanda iriktelip, rezervke engen jastarmen kezdesýge Aqparat jáne qoǵamdyq damý ministri Aida Balaeva, Tsifrlyq damý, innovatsiialar men aeroǵarysh ónerkásibi ministri Baǵdat Mýsin, Prezident ákimshiligi basshysynyń orynbasary Málik Myrzalin, sondai Prezidenttiń kómekshisi Erlan Qarin shaqyrylǵan. Basqosýdyń basty maqsaty – Prezident Joldaýyn talqylap, aldaǵy ýaqytta Prezidenttik jastar kadrlyq rezervin damytyp, júzege asyrýdy josparlaý.
