9 tamyzda Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin men «Roskosmos» memlekettik korporatsiiasynyń bas direktory Iýrii Borisov Baiqońyr ǵarysh ailaǵynda kezdesti, dep habarlaidy "Ult aqparat" vedomstvonyń baspasóz qyzmetine silteme jasap.
"QR TsDIAÓM basshysy Roskosmostyń jańa basshysyn osy qyzmetke taǵaiyndalýymen jáne bortynda 17 ǵarysh qurylǵysy bar «Soiýz-2.1b» zymyranynyń sátti ushyrylýymen quttyqtady.
Kezdesý barysynda taraptar «Báiterek» jobasyn júzege asyrý máselesin talqylap, alǵashqy ushyrylym synaǵynyń merzimin 2024 jylǵa jyljytý qajettigin atap ótti. Taraptar Soiýz-5 zymyran-tasyǵyshy men jerústi keshenin jasaý jumystarynyń kestesin ózara sáikestendirdi" - delingen habarlamada.
Ministrlik málimetinshe, ǵarysh salasyndaǵy ekijaqty yntymaqtastyqty nyǵaitý maqsatynda normativtik-quqyqtyq bazalardy damytý máselesi qarastyryldy. Sondai-aq Baǵdat Mýsin Roskosmos basshysymen Baiqońyr ǵarysh ailaǵynda týrizmdi damytý týraly sóilesip, týristerdi keshenge ótkizý tártibin onlain júie arqyly jeńildetýdi usyndy.
«Tsifrlyq formatta onlain kirý júiesin qoldaný arqyly «Baiqońyr» keshenindegi týrizmdi damytýǵa bolady», - dedi Baǵdat Mýsin.
Kezdesýge QR Prezidentiniń «Baiqońyr» keshenindegi arnaiy ókili Qairat Nurtai da qatysqan.
