Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin «Roskosmos» memlekettik korporatsiiasynyń bas direktory Dmitrii Rogozinmen kezdesý ótkizdi.
Bul týraly "Ult aqparat" ministrliktiń resmi saityna silteme jasap habarlaidy.
Kezdesý barysynda taraptar Jerdi qashyqtyqtan zondtaý (JQZ) tehnologiialary boiynsha yntymaqtastyq perspektivalaryn talqylady.
Atap aitqanda, Qazaqstan men Reseidiń JQZ jerserikteri toptamalaryn ázirleý jónindegi birlesken josparlar, sondai-aq jedel derektermen almasý boiynsha servisterdi biriktirý múmkindikteri qaraldy.
Budan basqa, taraptar qazaqstandyq jáne reseilik jerserikter óndirýshileriniń ónerkásiptik kooperatsiiasy salasyndaǵy áleýetti yntymaqtastyq, onyń ishinde Nur-Sultan qalasyndaǵy ǵarysh apparattarynyń qurastyrý jáne synaý keshenin júkteýdi qamtamasyz etý sheńberindegi máselelerdi talqylady.
Kezdesý qorytyndysy boiynsha ǵaryshtyq yntymaqtastyq salasyndaǵy máselelerdi odan ári egjei-tegjeili pysyqtaý týraly ýaǵdalastyqtarǵa qol jetkizildi.
