Elimizdiń Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin ne sebepten Qazaqstan telefon kodyn +997 nómirine aýystyrǵanyn túsindirip berdi, dep habarlaidy QazAqparat.
«Bizde Reseimen 2006 jyly bekitilgen vedomstvoaralyq kelisim bar. Oǵan sáikes, eki tarap 6 ai buryn eskerte otyryp kelisimniń kúshin joia alady. Iaǵni +7 dep bastalatyn uialy bailanys kody eki jaqqa ortaq, Qazaqstan men Reseige. Kelisim aiasynda Resei bas tartsa, biz de odan bas tarta alamyz. Biz úshin bastysy - zań aiasynda júzege asqany», - dedi Baǵdat Mýsin Habar telearnasynda ótken «Natsionalnyi interes» telebaǵdarlamasynyń efirinde.
Sondai-aq, ministr elimizge +997 nómirli telefon kodyn BUU bergenin jáne ol kodtyń Qazaqstan úshin nelikten suralǵanyn túsindirdi.
«Bul telefon kodyn bizge halyqaralyq elektr bailanysy odaǵy berdi. Iaǵni, Resei Federatsiiasy nemese AQSh bergen joq, halyqaralyq uiym berip otyr. Biz nelikten +997 kodyn suradyq? Eger biz +7 nómirli kodynan bas tartqan jaǵdaida, máseleni sheshemin degenshe ýaqyt joǵaltar edik. Nómirdi aýystyrý úshin kem degende 3 jyl ýaqyt qajet. Biz ózimiz niet bildirip ótinim berdik, nátijesinde halyqaralyq kodqa ie boldy», - deidi ol.
