Halyq arasynda taraǵan «EGOV memlekettik qyzmet kórsetý júiesi satylady» degen aqparatqa qatysty QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin resmi túsinikteme berdi, dep habarlaidy QazAqparat.
«Halyq arasynda taralyp jatqan qaýesetke sensek, EGOV bireýge berileli jáne oǵan qyrýar qarajat quiylyp jatyr eken. EGOV-ty eshkimge bermeimiz, ol - qazaqstandyq ónim. Kóp adam EGOV-ty bir tereze retinde ǵana túsinedi iaǵni memlekettik qyzmet alatyn alań, biraq onyń artyndaǵy júieniń qalai jumys istep turǵanyn eshkim bilmeidi. Onyń artynda qazir 400 júie jumys istep tur. Onyń 50 shaqtysy Densaýlyq ministrligine jáne 40 shaqtysy Qarjy ministrligine baǵynyshty, solai tiesili organdar boiynsha kete beredi», – dedi Baǵdat Mýsin «Ashyq alań» telebaǵdarlamasynda.
Ministrdiń aitýynsha, belgili bir memlekettik qyzmettiń júiesin aýystyrý úshin 1 aidan 6 aiǵa deiin ýaqyt ketedi eken.
«Degenmen qazir zaman basqa, sáikesinshe, talapta basqasha. Osy oraida zamanaýi kompaniialar ailap emes bir nemese eki aptanyń ishinde júieni jańaǵa aýystyrýǵa daiyn. Endigi bizdiń maqsat – osyǵan deiin aitylǵan 400 júieniń ornyna bir ǵana platforma qurý. Ol biz úshin jańa deńgeige kóterilip, zamanaýi júiege ótý úshin qajet. Bul óz kezeginde memlekettik qyzmet kórsetýdiń proaktivti túrge aýysýyna oń áserin tigizedi», - deidi ol.
Aita ketsek, búgin QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Qazaqstan ulttyq telearnasynda kórsetiletin «Ashyq alań» baǵdarlamasyna qatysty.
