Túrki tildes memleketterdiń yntymaqtastyq keńesiniń Bas hatshysy Baǵdad Ámireev biyl kúzde Ystanbulda ótetin sammitke qatysty pikir bildirdi, dep habarlaidy QazAqparat.
«Biyl Ystanbulda biz tarihi sammit ótkizemiz. Onda búkil Túrki álemi úshin ómirlik mańyzy bar birneshe sheshim qabyldanady. Sizderdiń búgingi tapsyrmalaryńyzdy tiisti túrde iske asyrý, sondai-aq aldaǵy sammit kún tártibin mazmundy túrde qamtamasyz etý maqsatynda tiisti usynystar qamtylǵan. Birinshiden, sizderdiń tapsyrmalaryńyzǵa sáikes, hatshylyq múshe memlekettermen yntymaqtastyqta Túrki áleminiń 2040 jylǵa deiingi strategiiasynyń ázirligin aiaqtap, bul qujatty kelesi sammit barysynda qabyldaýdy usynamyz», - dedi B. Ámireev Túrki tildes memleketter yntymaqtastyǵy keńesiniń beiresmi sammitinde.
Onyń aitýynsha, hatshylyq uiymnyń ataýyn qazirgi quqyqtyq mártebesine sáikes ózgertý týraly usynystardy da támamdaidy.
«Baiqaýshy elder men seriktester úshin jańa ereje belgilerin aiaqtap, kelesi samitte ony bekitýdi mańyzdy dep sanaimyz. Sonymen qatar, Túrki investitsiialyq qoryn qurý jónindegi jumysty tezirek aiaqtaý maqsatynda osy másele boiynsha sheshim qabyldaý jáne ony kezekti sammitte sizderdiń maquldaýlaryńyzǵa engizý úshin, taiaý ailarda múshe memleketterdiń ekonomika ári qarjy ministrleriniń otyrysyn ótkizýdi oryndy dep sanaimyz», - dedi B. Ámireev.
Aita keteiik, Túrki tildes memleketter yntymaqtastyǵy keńesiniń beiresmi sammitinde «Túrkistan deklaratsiiasy» qabyldandy.
QR Prezidenti Qasym-Jomart Toqaev Túrki investitsiia-integratsiialyq qoryn qurýjumystaryn tezdetý kerektigin aitty.
Atalǵan is-shara barysynda QR Tuńǵysh Prezidenti, Túrki keńesiniń qurmetti tóraǵasy Nursultan Nazarbaev «Túrki áleminiń keleshegi – 2040» atty qujatqaqatysty pikir bildirdi.
«Bul qujatty biyl kúzde Túrkiiada ótetin kezekti sammitte qabyldaimyz. Bakýdegi sammitte Keńesti Uiym deńgeiine kóterýdi usynǵan bolatynmyn. Sol mańyzdy usynysty qoldaǵandaryńyz úshin barshańyzǵa alǵysymdy bildiremin», – dedi Elbasy.
Budan buryn habarlanǵandai, Túrki tildes memleketterdiń yntymaqtastyq keńesiniń 8-shi sammiti 2021 jyldyń 12 qarashada Ystanbulda ótedi.
