Túrkistan oblysynda qoshqar 18 mln teńgege satyldy. Bloger Ánýar Rústemovtyń Youtube-arnasynda fermada túsirilgen video paida boldy, dep habarlaidy Sputnik Qazaqstan.
Bloger kelisim 9 jeltoqsanda Shymkent fermeri Rýstam Turǵynovtyń sharýa qojalyǵynda jasalǵanyn atap ótti.
Saryaǵashtan kelgen qoi ósirýshi Qýanysh Myqtybaev qoshqardy 18 million teńgege (40 myń dollar) satyp aldy. Mámilege Túrkistan oblysynyń gissar qoi ósirýshileri qatysty.
"Mundai kelisim qolma-qol aqshaǵa alǵash ret ótkizilip otyr. Kóbisi qoshqardy (óndirýshi qoshqar - Sputnik) millionǵa, 60 myń, 100 myń dollarǵa bermeidi", - deidi bloger.
Gissar tuqymdy qoshqarǵa Kashtan degen at berilgen. Qoshqardyń boiy - 1,05 metr.
Gissar-maily qoilardyń quiryqty tuqymy, qoidyń eń úlken tuqymdarynyń biri. Sputnik Qyrǵyzstan habarlaǵandai, 2019 jyly Gýlliver degen qoshqar Qazaqstannyń Túrkistan oblysy Sairam aýdany Kólkent aýylynda II Halyqaralyq asyl tuqymdy qoilar festivaliniń jeńimpazy atandy.
Ol qyrǵyz fermeri Abylai Mihmanovqa tiesili edi. Janýardyń salmaǵy 188 keli, boiy bir metr boldy. Iesine ol úshin 10 myń dollar usynyldy. Biyl Qyrǵyzstanda et-maily qoidyń "arashan" degen jańa tuqymy resmi túrde tirkeldi.
