تٷركٸستان وبلىسىندا قوشقار 18 ملن تەڭگەگە ساتىلدى. بلوگەر ەنۋار رٷستەموۆتىڭ Youtube-ارناسىندا فەرمادا تٷسٸرٸلگەن ۆيدەو پايدا بولدى, دەپ حابارلايدى Sputnik قازاقستان.
بلوگەر كەلٸسٸم 9 جەلتوقساندا شىمكەنت فەرمەرٸ رۋستام تۇرعىنوۆتىڭ شارۋا قوجالىعىندا جاسالعانىن اتاپ ٶتتٸ.
سارىاعاشتان كەلگەن قوي ٶسٸرۋشٸ قۋانىش مىقتىباەۆ قوشقاردى 18 ميلليون تەڭگەگە (40 مىڭ دوللار) ساتىپ الدى. مەمٸلەگە تٷركٸستان وبلىسىنىڭ گيسسار قوي ٶسٸرۋشٸلەرٸ قاتىستى.
"مۇنداي كەلٸسٸم قولما-قول اقشاعا العاش رەت ٶتكٸزٸلٸپ وتىر. كٶبٸسٸ قوشقاردى (ٶندٸرۋشٸ قوشقار - Sputnik) ميلليونعا, 60 مىڭ, 100 مىڭ دوللارعا بەرمەيدٸ", - دەيدٸ بلوگەر.
گيسسار تۇقىمدى قوشقارعا كاشتان دەگەن ات بەرٸلگەن. قوشقاردىڭ بويى - 1,05 مەتر.
گيسسار-مايلى قويلاردىڭ قۇيرىقتى تۇقىمى, قويدىڭ ەڭ ٷلكەن تۇقىمدارىنىڭ بٸرٸ. Sputnik قىرعىزستان حابارلاعانداي, 2019 جىلى گۋلليۆەر دەگەن قوشقار قازاقستاننىڭ تٷركٸستان وبلىسى سايرام اۋدانى كٶلكەنت اۋىلىندا II حالىقارالىق اسىل تۇقىمدى قويلار فەستيۆالٸنٸڭ جەڭٸمپازى اتاندى.
ول قىرعىز فەرمەرٸ ابىلاي ميحمانوۆقا تيەسٸلٸ ەدٸ. جانۋاردىڭ سالماعى 188 كەلٸ, بويى بٸر مەتر بولدى. يەسٸنە ول ٷشٸن 10 مىڭ دوللار ۇسىنىلدى. بيىل قىرعىزستاندا ەت-مايلى قويدىڭ "اراشان" دەگەن جاڭا تۇقىمى رەسمي تٷردە تٸركەلدٸ.
