Bagam araldarynda «Dorian» daýylynyń saldarynan bes adam kóz jumdy, dep habarlaidy "Ult aqparat" New York Times-qa silteme jasap.
Premer-ministr Gýbert Minnistiń málimetinshe, jeksenbi kúni daýyl Bagam araldarynyń soltústik bóligindegi Abako aralyn zaqymdaǵan. Bagamdyq BAQ jeti jasar balanyń qaza tapqanyn málim etti.
Bahamas Press gazeti kýágerlerge silteme jasap, aralda kóp adamnyń kóz jumǵany týraly jazdy.
Daýyl Abako infraqurylymyna asa aýqymdy shyǵyn keltirdi. Qyzyl Krest jáne Qyzyl Jarty Ai qoǵamdarynyń halyqaralyq federatsiiasy (IFRC) Bagam araldarynda 13 myń úi qiraǵanyn nemese zaqymdanǵanyn málim etti.
AQSh-tyń birqatar ońtústik shtattarynda TJ rejimi engizildi, al jaǵadaǵy okrýgterde evakýatsiia jariialandy.
