Qyrǵyzstan prezidenttigine úmitker Omýrbek Babanov Qazaqstan Prezidenti Nursultan Nazarbaevpen ótken kezdesýde ne týraly sóileskenderin aityp berdi, - dep habarlaidy "Ult aqparat" kaz.tengrinews.kz portalyna silteme jasap.
"Menińshe, Nursultan Ábishuly Nazarbaevpen kezdesý ótkizý - meniń eń durys sheshimim, - deidi Omýrbek Babanov. - Men oǵan asa qurmetpen qaraimyn. Qazaqstanda júrgizilip jatqan reformalarǵa tańdanys bildiremin, táýelsizdik jyldary kezinde osyndai bútin eldiń negizin saldy .Men barlyǵyna Eýropaǵa barýdyń qajeti joq ekenin aityp, Qazaqstanǵa, ondaǵy aýyl sharýashylyǵy salasyndaǵy reformalarǵa, kásipkerlerdi qalai qoldaityndatyn kórip qaitý kerektigin aitamyn. (...) Biz sońǵy kezdesýde - men prezidenttikke úmitker retinde bolǵanda, sondai-aq, osyǵan deiin birinshi vitse-premer, premer-ministr bolǵan kezde de biz Nursultan Ábishulymen bir ǵana nárse týraly sóilesemiz: "Biz baýyrlas halyqpyz, atalýymyz ǵana ártúrli. Biz bizdiń halyqtarymyz baýyrlas qarym-qatynas ornatýy úshin jáne Qyrǵyzstanda tek tynyshtyq, turaqtylyq bolyp, ekonomikasy damýy úshin barlyǵyn jasaýymyz kerek". Ol únemi osy týraly aitatyn".
Sonymen qatar, Omýrbek Babanov Qazaqstannyń Qyrǵyzstandaǵy sailaýǵa áseri týraly sózderge pikirin bildirdi.
"Nursultan Ábishulymen qandai da bir basqa áńgime aitylsa, ol meni kópshiliktiń aldynda qabyldamas ta edi. Qazir endi bylai aitylyp jatyr: "Qyrǵyzstandaǵy sailaý aldyndaǵy naýqanǵa aralasý". Nursultan Nazarbaevtyń tájiribesi mol, meniń de tájiribem az emes. Bulai bolǵanda men oǵan bylai dep aitar edim: "Nursultan Ábishuly, muny kópshiliktiń aldyna shyǵarmai-aq qoiýǵa bolady". Nemese ol ózi solai aitar edi. Mundai máselege aralasatyndar, ony kópshilikke kórsetpeidi", - dedi Babanov.
Eske sala keteiik, keshe, 12 qazanda Nursultan Nazarbaev keibir BAQ-tarda jariialanǵan Qyrǵyzstan prezidenttigine oppozitsiialyq úmitkerdi qoldaidy degen materialdardy jalǵan dep ataǵan bolatyn.
"Munyń bári jalǵan", - degen edi Nazarbaev reseilik prezidenttiń Sochidegi "Bocharov rýchei" rezidentsiiasynda jýrnalisterdiń suraǵyna jaýap berip.
Aita keteiik, Qyrǵyzstanda prezident sailaýy 15 qazanda ótedi. Almazbek Atambaevtyń prezidenttik merzimi 1 jeltoqsanda aiaqtalady. Konstitýtsiia boiynsha ol przidenttikke qaita sailaýǵa túse almaidy. prezidenttik Sotsial-demokratiialyq partiiasynan úmitker Sooranbai Jeenbekovtyń negizgi qarsylasy Omýrbek Babanov.
Qyrkúiek aiynyń sońynda Qazaqstan Prezidenti men Babanovtyń kezdesýinen keiin Qyrǵyzstan men Qazaqstan arasynda diplomatiialyq daý shyqqan bolatyn. Resmi Bishkek Astanany "halyq sailaýyna aralasýǵa áreket jasady" dep aiyptady. Al buǵan jaýap retinde QR SIM ókilderi Nazarbaevtyń odan buryn dál osyndai ekijaqty kezdesýdi Jeenbekovpen ótkizgenin jáne osy kezdesýde qazaqstandyq liderdiń "Qyrǵyz Respýblikasynyń prezidenttigine qandai da bir úmitkerge qoldaý bildirip sólemegenin" málimdegen.
