QR Parlamentiniń depýtaty Dúisenbai Turǵanov Birikken Arab Ámirlikterimen investitsiialyq yntymaqtastyqty damytýǵa qatysty pikir bildirdi, dep habarlaidy QazAqparat.
Depýtat elektr energetikasy investitsiialyq yntymaqtastyqtyń negizgi baǵyttarynyń biri bolyp sanalatyn Birikken Arab Ámirlikterimen úkimetaralyq kelisim Qazaqstan úshin úlken basymdyqtardy qamtitynyn atap ótti.
Onyń aitýynsha, búgingi tańda eldiń pandemiiadan keiingi damýy jaǵdaiynda elektr energetikasy siiaqty strategiialyq salalarǵa investitsiialar tartý - bul tutastai alǵanda, Qazaqstannyń investitsiialyq klimatyna, otandyq kásipkerlikti damytýǵa jáne ulttyq ekonomikanyń negizgi salalaryna ozyq álemdik tehnologiialardy tartýǵa oń áser etetini sózsiz.
«Qazir elimiz jańa Ekologiialyq kodekske sáikes eń ozyq qoljetimdi tehnologiialarǵa kóshedi. Sondyqtan kelisim aiasynda strategiialyq jobalardy iske asyrýdy qamtityn múmkindikter elimizge «jasyl» ekonomikany belsendi damytýǵa, qorshaǵan ortaǵa teris áser etýmen kúresýge múmkindik beredi», - dedi Dúisenbai Turǵanov.
Depýtat atap ótkendei, munyń bári jańartylatyn energiia kózderi úlesiniń artýyna, jalpy alǵanda elektr energetikasynyń tehnologiialyq deńgeiiniń ulǵaiýyna yqpal etetin bolady.
