Májilis depýtaty Jambyl Ahmetbekov Birikken Arab Ámirlikterimen investitsiialyq yntymaqtastyqty damytý bizdiń elimizge tiimdi ekenin aitty, dep habarlaidy QazAqparat.
Onyń paiymynsha, bul baǵyttaǵy qadamdar jańa kásiporyndardyń ashylýyna, ozyq tehnologiialardy engizýge jáne jańa jumys oryndaryn qurýǵa yqpal etpek.
Depýtattyń sózine qaraǵanda, investitsiialar shikizat salalaryna salynbaidy. Atap aitqanda, elimizde jańartylatyn energetikany damytýmen ainalysatyn energetikalyq holding qurý kózdelip otyr.
J. Ahmetbekov atap ótkendei, búkil álemde «jasyl ótkel» dep atalatyn jáne ekologiianyń jai-kúiine alańdaityn elder jańartylatyn otyn úshin kómirsýtekterden bas tartýda. Kún, jel elektr stantsiialarynyń kóbeiýi bizdiń eldiń básekelestik artyqshylyǵy bola alady.
«Jalpy, bul investitsiialyq kelisim otandyq biznesti damytý úshin jaǵdaidy aitarlyqtai jaqsartady jáne Qazaqstannyń investitsiialyq tartymdylyǵyn arttyrady dep aitýǵa bolady», - dedi depýtat.
