Búgin Almatyda Halyqaralyq QS WorldWide bilim forýmy ótip jatyr. QR Premer-Ministriniń orynbasary B. Saparbaev forýmǵa qatysýshylardyń barlyǵyn mańyzdy ári qajet sharamen quttyqtady. Ol Premer-Ministr Asqar Maminniń quttyqtaý hatyn oqyp berdi:
«Búgingi sammittiń BUU-nyń “Akademiialyq yqpal etý” baǵdarlamasynyń turaqty damý boiynsha jahandyq haby sanalatyn Ál-Farabi atyndaǵy Qazaq ulttyq ýniversitetiniń qabyrǵasynda ótýiniń simvoldyq máni zor.
Elimiz bilim jáne ǵylym júiesiniń básekege qabilettiligin arttyrý mindetin sheshýde. Ýniversitetterge akademiialyq derbestik berildi. Bul sharalardyń barlyǵy ýniversitetterdiń ǵylymi bilim berý, tehnologiialyq jáne gýmanitarlyq keńistiktegi yqpalyn arttyrýǵa baǵyttalǵan».
B. Saparbaev Forýmnyń Ál-Farabi atyndaǵy QazUÝ-de ótýiniń ózindik máni bar ekenin atap ótti:
«Keler jyly Qazaqstan eki aǵartýshy – Ál-Farabidiń 1150 jyldyǵy men Abaidyń 175 jyldyq mereitoilaryn atap ótedi. Búgingi konferentsiiany osynaý uly ǵulamalardyń mereitoilary qarsańyndaǵy mańyzdy sharalardyń biri dep ataýǵa ábden bolady».
Aita keterligi, Forýmǵa qatysýshylar esimi ýniversitetke berilgen uly Oishyldyń mádeni murasyna arnalǵan Ál-Farabidiń mýzeiinde boldy. Mýzeige qundy materialdar men álem mýzeileri men kitaphanalaryndaǵy túpnusqa eksponattarynyń kóshirmeleri jáne zamanaýi Qazaqstannyń áleýmettik-mádeni jańǵyrýy, rýhani jáne ǵylym-bilim salasyn damytý, Elbasy N.Á. Nazarbaevtyń «Mádeni mura» memlekettik baǵdarlamasyn júzege asyrýda elimizdiń mádeni murasyn saqtaý jáne tiimdi qoldanýdy qamtamasyz etý jónindegi aýqymdy qujatty materialdar qoiylǵan.
