Áleýmettik mańyzy bar azyq-túlik taýarlarynyń shekti baǵasy týraly úsh ministrliktiń birlesken buiryǵynyń merzimi aiaqtaldy, dep habarlaidy "Ult aqparat" QR Saýda jáne integratsiia ministrliginiń baspasóz qyzmetine silteme jasap.
11 mamyrda Qazaqstan Respýblikasy Prezidentiniń 2020 jylǵy 15 naýryzdaǵy № 285 Jarlyǵyna sáikes engizilgen tótenshe jaǵdai aiaqtaldy.
«Osyǵan bailanysty, Qazaqstan Respýblikasyndaǵy tótenshe jaǵdai kezeńinde QR Saýda jáne integratsiia ministriniń 2020 jylǵy 3 sáýirdegi № 63-NQ, QR Aýyl sharýashylyǵy ministriniń 2020 jylǵy 3 sáýirdegi № 113 jáne QR Ulttyq ekonomika ministriniń 2020 jylǵy 3 sáýirdegi № 23 «Áleýmettik mańyzy bar azyq-túlik taýarlarynyń shekti bólshek saýda baǵalaryn engizý týraly» birlesken buiryǵy kúshin joidy.
Joǵaryda aitylǵandardy eskere otyryp, áleýmettik mańyzy bar azyq-túlik taýarlarǵa baǵanyń ósýine jol bermeý úshin áleýmettik mańyzy bar azyq-túlik taýarlardyń baǵalaryn turaqtandyrý boiynsha qoldanystaǵy quraldar paidalanylady», delingen habarlamada.
