QR Premer-Ministri Asqar Mamin Úkimettiń Tsifrlyq keńsesinde ortalyq memlekettik organdar basshylarynyń jáne óńirler ákimderiniń qatysýymen áleýmettik mańyzy bar azyq-túlik taýarlarynyń (ÁMAT) baǵalaryn retteý máseleleri jóninde keńes ótkizdi.
Bul týraly Úkimettiń baspasóz qyzmeti habarlady.
Qazirgi jaǵdai men atqarylyp jatqan jumystar týraly saýda jáne integratsiia ministri Baqyt Sultanov, aýyl sharýashylyǵy ministri Erbol Qarashókeev, Qaraǵandy oblysynyń ákimi Jeńis Qasymbek, Soltústik Qazaqstan oblysynyń ákimi Qumar Aqsaqalov, Nur-Sultan qalasynyń ákimi Altai Kólginov, Aqtóbe oblysynyń ákimi Ońdasyn Orazalin, Jambyl oblysynyń ákimi Berdibek Saparbaev, Aqmola oblysynyń ákimi Ermek Marjyqpaev jáne t. b. baiandady.
Ótken aptada áleýmettik mańyzy bar azyq-túlik taýarlary baǵasynyń ósimi 0,2%-dy qurady. Buǵan jumyrtqa baǵasynyń 1,3%-ǵa, sábizdiń 0,8%-ǵa jáne qanttyń 0,7%-ǵa qymbattaýy áser etti. Jumyrtqa baǵasynyń eń kóp ósýi Qaraǵandy (7,6%), Batys Qazaqstan (7,3%) jáne Aqmola (4,8%) oblystarynda, sábiz boiynsha Almaty qalasynda (4,5%), qant boiynsha Qaraǵandy oblysynda (5,5%) tirkeldi.
Óńirlerde «ainalym shemasyn» qarjylandyrý 4,4 mlrd teńgege artyp, 45,1 mlrd teńgege jetti. Nysanaly deńgei 90,2%-ǵa qamtamasyz etildi. 306 myń tonna áleýmettik mańyzy bar taýarlar satyp alyndy, bul ótken aptadaǵy kórsetkishpen salystyrǵanda 12%-ǵa artyq. Úsh ailyq kezeńge ÁMAT-pen qamtamasyz etý elimiz boiynsha 90%-dan asady (aptasyna +17,6 p.t.), áleýmettik mańyzy bar azyq-túlik taýarlarynyń barlyq túrleri boiynsha eń joǵary kórsetkishterge Nur-Sultan jáne Shymkent qalalarynda, Mańǵystaý, Qaraǵandy, Batys Qazaqstan, Shyǵys Qazaqstan jáne Jambyl oblystarynda qol jetkizildi.
Ótken aptada Básekelestikti qorǵaý jáne damytý agenttigi óńirlik saýda jelilerimen ÁMAT-qa saýda ústemelerin 15%-dan 10%-ǵa deiin tómendetý týraly monopoliiaǵa qarsy komplaenstiń 17 aktisin jasasty.
Jalpy, respýblika boiynsha monopoliiaǵa qarsy komplaenstiń 125 aktisi jasaldy.
Premer-Ministr óńirlerdiń ákimderine «ainalym» shemasyn qarjylandyrýdy ulǵaitý jáne ónimderdiń úsh ailyq qoryn usynylǵan kólemderge deiin jetkizý, azyq-túlik taýarlarynyń óńiraralyq úzdiksiz aǵynyn uiymdastyrý, sondai-aq saýda sýbektileriniń baǵany saýda ústemesinen asyrý faktileriniń jolyn ýaqytyly kesý arqyly áleýmettik mańyzy bar azyq-túlik ónimderiniń baǵasyn ustap turýdy kúsheitýdi tapsyrdy.
«Áleýmettik mańyzy bar azyq-túlik taýarlarynyń baǵasyn turaqtandyrý jáne jalpy infliatsiiany tejeý máseleleri asa mańyzdy. Árbir taýar pozitsiiasy boiynsha jaǵdaidy kúndelikti baqylai otyryp, júieli jumys júrgizý qajet», — dedi Mamin.
