Foto: Antikor kadry
"Azyq-túlik korporatsiiasy UK" AQ qarjy departamentiniń direktory men bas mamany sottaldy, - dep habarlaidy "Ult aqparat" Antikor málimetine silteme jasap.
Astana Qylmystyq ister jónindegi aýdanaralyq sotynyń úkimi boiynsha, "Azyq-túlik korporatsiiasy UK" AQ qarjy departamentiniń direktory N.G. Jumadilov jáne bas mamany G.J. Ábenov sottalǵan.
"Olar kásipkerden qujattardy jinaý boiynsha buryn kórsetken qyzmetteri úshin, sondai-aq astyq túrinde taýarlyq nesie berý týraly shartqa qol qoiýǵa kómekteskeni úshin para aldy dep kúdiktendi.
Sottalǵandarǵa qatysty sot sheshimi boiynsha, memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan ómir boiyna aiyra otyryp, jalpy somasy 48 million teńge aiyppul túrinde jaza taǵaiyndaldy", - delingen habarlamada.
Qala prokýratýrasy úkimdi bas bostandyǵynan aiyrý jazasyna ózgertý boiynsha apelliatsiialyq ótinish engizdi.
"QR QK 41-babyna sáikes aiyppul belgilengen merzimde tólenbegen jaǵdaida jaza sharasy bas bostandyǵynan aiyrýǵa aýystyrylady".
Úkim zańdy kúshine engen joq.
