Almatyda azyq-túlik baǵasyn kótergen kásipkerlerge 100 AEK kóleminde aiyppul salynady. Bul týraly Almaty qalasy kásipkerlik jáne investitsiialar basqarmasynyń basshysy Erkebulan Orazalin aitty, dep habarlaidy "Ult aqparat".
Onyń aitýynsha, qol jetimdi 64 túrli azyq-túlik taýarlarynyń 19-nyń áleýmettik mańyzy bar. Onyń 9-na shekti baǵa bekitilgen.
«Almatyda kúrishtiń shekti baǵasy - 310 teńge, birinshi surypty bidai unynyń 1 kelisi - 211, qaraqumyq – 209, birinshi surypty bidai unynan jasalǵan nan - 80 teńgeden aspaý kerek, kespe – 209 teńge, qoi eti – 2169, jumyrtqanyń 10 danasy – 367, kúnbaǵys maiynyń 1 litri – 434, tuz - 59 teńge bolyp bekitilgen»,- deidi Erkebulan Orazalin
Sonymen qatar, ol Almaty aýmaǵyndaǵy iri jáne shaǵyn dúkenderde kórsetilgen osy taýarlardyń baǵasynan asyryp satýǵa ruqsat etilmeitinin aitty.
«Almaty ákimi qaladaǵy aýdandyq ákimdikterge baǵany baqylaý boiynsha tapsyrma berdi. Búgin bul másele boiynsha komissiia quryldy. Onyń qataryna zańger, politsiia, kásipkerlik bóliniminiń mamandary jáne aýdandyq kirister departamentiniń ókilderi enip otyr. Olar kúndelikti qaladaǵy azyq-túlik dúkenderine baryp, baǵalardy baqylap otyrady, - deidi ol.
Onyń aitýynsha, arnaiy qurylǵan komissiia músheleri qaladaǵy iri sýpermarketterge baryp, bekitilgen 9 taýar túri boiynsha baǵany asyrmaý jóninde eskertý jasaǵan.
«Osy ekertýlerden keiin, zań buzýshylyq anyqtasa. Azyq-túlik dúken ielerine 100 AEK kóleminde aiyppul salynady», – deidi basqarma basshysy.
