16-23 aqpan aralyǵynda Úndistannyń Niý-Deli qalasynda kúres túrlerinen Aziia chempionatynda grek-rim kúresinen el namysyn qorǵaityn balýandar belgili boldy, dep habarlaidy "Ult aqparat".
QR Ulttyq olimpiadalyq komiteti habarlaǵandai, quramanyń bas bapkeri Baqtiiar Baiseiitov ázirge senim artqan segiz balýannyń esimderin ataǵan.
Naqtyraq atap ótsek, «Saryqurlyq» birinshiliginde 55 keli salmaqta Horlan Jaqansha, 60 keli salmaqta Aidos Sultanǵali, 63 kelide Ernur Fidahmetov el anmysyn qorǵasa, 67 kelide Ádilhan Sataev, 72 keli salmaqta Ibragim Magamadov synǵa túsedi. Al 77 kelide Temirlan Shadýkaev, 82 keli salmaqta Evgenii Polivadov baq synasa, 87 keli salmaqta Azamat Kústibaevqa úmit artylǵan.
Al 97 jáne 130 kelide Aziia chempionatyna baratyn eki balýannyń esimi jaqyn arada belgili bolmaq.
Esterińizge sala keteiik, osyǵan deiin áielder kúresinen Aziia chempionatyna kimderdiń baratyny týraly habarlaǵan bolatynbyz.
