Djakartada ótip jatqan Aziia oiyndarynda júzýden erler arasyndaǵy 4x100 metrlik estafetada Qazaqstan quramasy (Ádil Qasqabai, Dmitrii Balandin, Ádilbek Mýsin, Aleksandr Varakin) Qytai men Japoniiadan qalyp, qola júlde aldy, dep habarlaidy "Ult aqparat".
Sondai-aq dji-djitsýden Nurjan Seidýáli men Nartai Qajekov ta Aziia oiyndarynyń qola júldegeri atandy. Tennisten mikst jarysynda (er jáne áiel tennisshi) Aleksandr Nedovesov pen Anna Danilina jartylai finalda tailandyq qarsylastarynan jeńilip, qola aldy.
Onyń aldynda tennisten qazaqstandyq Aleksandr Býblik pen Denis Evseev juptyq synnyń finalynda Úndistan tennisshilerinen jeńilip, ekinshi oryn ielengen.
24 tamyzda Qazaqstan barlyǵy bir altyn, bir kúmis, alty qola aldy. Velosporttan Aleksei Lýtsenko jekelei jarysta chempion atanǵan. Qazir elimizdiń quramasy barlyǵy 3 altyn, 7 kúmis, 24 qolamen jalpy esepte 11-orynda tur.
Aziia oiyndaryna 440 qazaqstandyq sportshy qatysyp jatyr. Aziia oiyndary qyrkúiektiń 2-ci kúni aiaqtalady.
