Qazaqstandyq velosportshy Aleksei Lýtsenko Djakartada ótip jatqan Aziia oiyndarynda ekinshi altynyn aldy, dep habarlaidy "Ult aqparat".
Toptasyp jarysýdan márege birinshi kelgen Lýtsenko jekelei synda da óz myqtylyǵyn dáleldedi. Ol 40 shaqyrymdy 55.37.13 ýaqyt kórsetkishinde júrip ótti. Kúmis júlde ielengen ózbekstandyq Mýradjon Halmýratov bizdiń sportshydan 1.33.39 sekýndqa, al qola júldeger atanǵan japoniialyq Fýmiiýki Beppý 1.42.07 sekýndqa qalyp qoidy. Qazaqstan velosportshysy 2014 jyly Inchhonda ótken Aziia oiyndarynda bir ret chempion bolǵan.
Qazaqstan Aziia oiyndarynda 3 altyn, 7 kúmis, 19 qola medal ielenip, jalpy esepte 11-orynda keledi. Qazaqstannyń aldynda Qytai, Japoniia, Ońtústik Koreia, Iran, Indoneziia, Soltústik Koreia, Tailand, Úndistan, Taipei, Ózbekstan tur.
Aziia oiyndaryna 440 qazaqstandyq sportshy qatysyp jatyr. Aziia oiyndary qyrkúiektiń 2-ci kúni aiaqtalady.
