قازاقستاندىق ۆەلوسپورتشى الەكسەي لۋتسەنكو دجاكارتادا ٶتٸپ جاتقان ازييا ويىندارىندا ەكٸنشٸ التىنىن الدى, دەپ حابارلايدى "ۇلت اقپارات".
توپتاسىپ جارىسۋدان مەرەگە بٸرٸنشٸ كەلگەن لۋتسەنكو جەكەلەي سىندا دا ٶز مىقتىلىعىن دەلەلدەدٸ. ول 40 شاقىرىمدى 55.37.13 ۋاقىت كٶرسەتكٸشٸندە جٷرٸپ ٶتتٸ. كٷمٸس جٷلدە يەلەنگەن ٶزبەكستاندىق مۋرادجون حالمۋراتوۆ بٸزدٸڭ سپورتشىدان 1.33.39 سەكۋندقا, ال قولا جٷلدەگەر اتانعان جاپونييالىق فۋمييۋكي بەپپۋ 1.42.07 سەكۋندقا قالىپ قويدى. قازاقستان ۆەلوسپورتشىسى 2014 جىلى ينچحوندا ٶتكەن ازييا ويىندارىندا بٸر رەت چەمپيون بولعان.
قازاقستان ازييا ويىندارىندا 3 التىن, 7 كٷمٸس, 19 قولا مەدال يەلەنٸپ, جالپى ەسەپتە 11-ورىندا كەلەدٸ. قازاقستاننىڭ الدىندا قىتاي, جاپونييا, وڭتٷستٸك كورەيا, يران, يندونەزييا, سولتٷستٸك كورەيا, تايلاند, ٷندٸستان, تايپەي, ٶزبەكستان تۇر.
ازييا ويىندارىنا 440 قازاقستاندىق سپورتشى قاتىسىپ جاتىر. ازييا ويىندارى قىركٷيەكتٸڭ 2-cٸ كٷنٸ اياقتالادى.
