Vaktsinalaý - koronavirýstan saqtaityn jalǵyz shara. Bul týraly búgin QR Densaýlyq saqtaý vitse-ministri Ajar Ǵiniiat aitty, dep habarlaidy QazAqparat.
«Vaktsinalaýǵa toqtalatyn bolsaq, Memleket basshysynyń tapsyrmasy boiynsha osy jyldyń 1 aqpanynan bastap elimizde koronavirýs infektsiiasyna qarsy erikti vaktsinalaý bastaldy. KVI-ǵa qarsy erikti vaktsinalaý tek kelisimmen jáne memlekettik biýdjet esebinen tegin júrgiziledi. Vaktsinalaýǵa profilaktikalyq egýge qarsy kórsetilimderi joq adamdar jiberiledi», - dedi vitse-ministr Ortalyq kommýnikatsiialar qyzmetindegi baspasóz máslihaty barysynda.
Onyń aitýynsha, vaktsinalaý júrgizer aldynda dene qyzýyn ólsheýmen, epidemiologiialyq anamnezdi jinaýmen, satýratsiiany, júrek jiyrylýynyń jiiligin, arteriialyq qysymdy ólsheýmen, tynys alý jáne júrek-qantamyr júiesin aýskýltatsiialaýmen jáne jutqynshaqty tekserýmen dárigerdiń mindetti tekserýi júrgiziledi. Eger temperatýra 37°C-tan assa, vaktsinalaý keiinge qaldyrylady.
«Qazirgi tańda vaktsinalaý aldyn alýdyń jalǵyz tiimdi quraly bolyp tabylady. Búgingi kúni ol immýndyq-profilaktikamen basqarylatyn infektsiiadan, sonyń ishinde koronavirýs infektsiiasynan saqtaityn alternativtik shara. Vaktsinalaý syrqattanýshylyqty tómendetýge jáne koronavirýstyq infektsiiasy bar patsientterdiń jaǵdaiyn jeńildetýge jáne tiisinshe odan bolatyn ólimdi tómendetýge múmkindik beredi», - dedi Ajar Ǵiniiat.
