Búgin Ortalyq kommýnikatsiialar qyzmetinde QR Densaýlyq saqtaý vitse-ministri Ajar Ǵiniiat Qazaqstanda qashannan bastap meditsinalyq maskasyz júrýge bolatynyn aitty, dep habarlaidy "Ult aqparat".
«Qazirgi kezde elimizde reseilik «Spýtnik V» vaktsiianasyn egý júrip jatyr. Aldaǵy ýaqytta qazaqstandyq vaktsina bolady. Otandyq vaktsina klinikalyq zertteýlerden ótip jatyr», - dedi vitse-ministr tilshiler saýalyna jaýap bere otyryp.
Sonymen qatar A. Ǵiniiat qazirgi ýaqytta Pfizer vaktsinasyn Qazaqstanǵa alyp kelý týraly naqty kelissózder júrgizilmegenin jetkizdi.
Vitse-ministr vaktsina qoiylǵan jaǵdaida maskasyz júrý múmkindigi týraly qoiylǵan suraqqa jaýap berdi.
«Halyqtyń ortasynda ujymdyq immýnitet qalyptaspai, halyqtyń 60 paiyzdan astamy vaktsinalaýdan ótpei, maskany sheshýge bolmaidy. Ujymdyq immýnitet qalyptasqannan keiin ǵana maskasyz júrýge bolady», - dedi Ajar Ǵiniiat.
