بٷگٸن ورتالىق كوممۋنيكاتسييالار قىزمەتٸندە قر دەنساۋلىق ساقتاۋ ۆيتسە-مينيسترٸ اجار عينييات قازاقستاندا قاشاننان باستاپ مەديتسينالىق ماسكاسىز جٷرۋگە بولاتىنىن ايتتى, دەپ حابارلايدى "ۇلت اقپارات".
«قازٸرگٸ كەزدە ەلٸمٸزدە رەسەيلٸك «سپۋتنيك V» ۆاكتسيياناسىن ەگۋ جٷرٸپ جاتىر. الداعى ۋاقىتتا قازاقستاندىق ۆاكتسينا بولادى. وتاندىق ۆاكتسينا كلينيكالىق زەرتتەۋلەردەن ٶتٸپ جاتىر», - دەدٸ ۆيتسە-مينيستر تٸلشٸلەر ساۋالىنا جاۋاپ بەرە وتىرىپ.
سونىمەن قاتار ا. عينييات قازٸرگٸ ۋاقىتتا Pfizer ۆاكتسيناسىن قازاقستانعا الىپ كەلۋ تۋرالى ناقتى كەلٸسسٶزدەر جٷرگٸزٸلمەگەنٸن جەتكٸزدٸ.
ۆيتسە-مينيستر ۆاكتسينا قويىلعان جاعدايدا ماسكاسىز جٷرۋ مٷمكٸندٸگٸ تۋرالى قويىلعان سۇراققا جاۋاپ بەردٸ.
«حالىقتىڭ ورتاسىندا ۇجىمدىق يممۋنيتەت قالىپتاسپاي, حالىقتىڭ 60 پايىزدان استامى ۆاكتسينالاۋدان ٶتپەي, ماسكانى شەشۋگە بولمايدى. ۇجىمدىق يممۋنيتەت قالىپتاسقاننان كەيٸن عانا ماسكاسىز جٷرۋگە بولادى», - دەدٸ اجار عينييات.
