Osy aida koronavirýspen aýrýhanaǵa túskender sany 2,5 esege artyp ketti. Bul týraly QR Densaýlyq saqtaý vitse-ministri Ajar Ǵiniiat aitty, dep habarlaidy "Ult aqparat".
«Búgingi tańda qaitys bolǵan adamdar sanynyń ósýi aýrýshańdyqtyń beleý alýyna, aýrýhanaǵa túsip jatqan naýqastardyń artýyna bailanysty. Ótken aimen salystyrǵannyń ózinde aýrýhanaǵa túsken naýqastardyń sany 2,5 esege artyp otyr. Ótken aida 4 myńǵa jýyq adam em alsa, qazir 10,5 myń adam arýhanaǵa tústi. Aýrýhana túsken adamdardyń 600-den astamy qatań túrde jansaqtaý bóliminde jatyr. Osy qatań túrde nemese aýrýdy asqyndyryp alyp, aýrýhanaǵa túsken adamdardyń kóbi úiinde óz betinshe emdelgen. Dárigerdiń emes ózge adamdardyń keńesimen emdelgender de bar», - dedi Ajar Ǵiniiat Ortalyq kommýnikatsiialar qyzmetindegi brifing barysynda.
Onyń atap ótýinshe, osyǵan bailanysty elimizdiń barlyq óńirinde mobildik brigadalar jumys isteidi.
«Ýchaskelik dárigerińizge habarlasyp, mobildik brigada shaqyrsańyz der kezinde dári-dármek ákeledi. Test alyp, úide ne aýrýhanada em alýyńyzdy anyqtaidy. Sondyqtan ýaqyt ótkizip almaýyńyzdy, óz betinshe emdelmeýińizdi suraimyz», - dedi ol.
