وسى ايدا كوروناۆيرۋسپەن اۋرۋحاناعا تٷسكەندەر سانى 2,5 ەسەگە ارتىپ كەتتٸ. بۇل تۋرالى قر دەنساۋلىق ساقتاۋ ۆيتسە-مينيسترٸ اجار عينييات ايتتى, دەپ حابارلايدى "ۇلت اقپارات".
«بٷگٸنگٸ تاڭدا قايتىس بولعان ادامدار سانىنىڭ ٶسۋٸ اۋرۋشاڭدىقتىڭ بەلەۋ الۋىنا, اۋرۋحاناعا تٷسٸپ جاتقان ناۋقاستاردىڭ ارتۋىنا بايلانىستى. ٶتكەن ايمەن سالىستىرعاننىڭ ٶزٸندە اۋرۋحاناعا تٷسكەن ناۋقاستاردىڭ سانى 2,5 ەسەگە ارتىپ وتىر. ٶتكەن ايدا 4 مىڭعا جۋىق ادام ەم السا, قازٸر 10,5 مىڭ ادام ارۋحاناعا تٷستٸ. اۋرۋحانا تٷسكەن ادامداردىڭ 600-دەن استامى قاتاڭ تٷردە جانساقتاۋ بٶلٸمٸندە جاتىر. وسى قاتاڭ تٷردە نەمەسە اۋرۋدى اسقىندىرىپ الىپ, اۋرۋحاناعا تٷسكەن ادامداردىڭ كٶبٸ ٷيٸندە ٶز بەتٸنشە ەمدەلگەن. دەرٸگەردٸڭ ەمەس ٶزگە ادامداردىڭ كەڭەسٸمەن ەمدەلگەندەر دە بار», - دەدٸ اجار عينييات ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, وسىعان بايلانىستى ەلٸمٸزدٸڭ بارلىق ٶڭٸرٸندە موبيلدٸك بريگادالار جۇمىس ٸستەيدٸ.
«ۋچاسكەلٸك دەرٸگەرٸڭٸزگە حابارلاسىپ, موبيلدٸك بريگادا شاقىرساڭىز دەر كەزٸندە دەرٸ-دەرمەك ەكەلەدٸ. تەست الىپ, ٷيدە نە اۋرۋحانادا ەم الۋىڭىزدى انىقتايدى. سوندىقتان ۋاقىت ٶتكٸزٸپ الماۋىڭىزدى, ٶز بەتٸنشە ەمدەلمەۋٸڭٸزدٸ سۇرايمىز», - دەدٸ ول.
