Ázerbaijanǵa koronavirýsqa qarsy eń senimdi vaktsinalardyń biri jetkizildi. Sonymen birge elde COVID-19 indetiniń jańa shtamy anyqtalǵan joq.
Meditsinalyq profilaktika ǵylymi-zertteý institýtynyń direktory Adil Allahverdiev osylai dedi, dep habarlaidy QazAqparat.
Sarapshynyń aitýynsha, COVID-19-dyń mýtatsiialanǵan shtamdary basqa elderde tirkelip jatyr. Sonyń biri – Túrkiia.
«Túrkiiada koronavirýstyń britandyq jáne ońtústikamerikalyq shtamdary tirkeldi. Sonymen qatar ataýy áli belgisiz úshinshi shtamm da kezdesti. Al Ázerbaijanda jańa shtamdy juqtyrýdyń birde bir jaǵdaiy tirkelgen joq. Dese de, TƏBİB oqshaýlanǵan azamattardyń keibiriniń synamasyn jiti tekserip jatyr. Bir qýanarlyǵy, olardan jańa shtamm anyqtalmady. Dese de arqany keńge salatyn emes. Elde jańa shtamm kez kelgen ýaqytta paida bolýy yqtimal», - dedi A. Allahverdiev.
Dárigerdiń aitýynsha, Ázirbaijanda mýtatsiialanǵan virýs Ulttyq gematologiia jáne transfýziologiia ortalyǵynda zerttelýde.
«Bizde ol virýsty tolyqqandy zertteýge múmkindik beretin qurylǵylar barshylyq. TƏBİB-pen birge bul zertteý jumysyn birneshe aidyń ishinde uiymdastyrdyq. Ol genomdy analiz nátijesinde anyqtalady», - dedi ǴZI basshysy.
Institýt direktory halyqty vaktsinalaý juqpaly aýrýlarmen kúresýdiń eń tiimdi ádisteriniń biri dep sendirdi. Vaktsinatsiia kezinde denede COVID-19 týdyratyn virýstyń bólshekteri paida bolady. Aǵzanyń immýndyq júiesiniń tinderi olardy tanidy da, immýndyq júie tinderiniń belsendiligi artyp, infektsiiamen kúresti bastaidy.
Dárigerdiń aitýynsha, vaktsinalaýdan ótken adamdar koronavirýsty qaita juqtyrýy múmkin. Virýsqa qarsy antideneler adamdarda alǵashqy vaktsinadan keiin úsh aptadan keiin paida bolady.
«Bul adamdar gigienany mindetti túrde saqtaýy kerek. Vaktsinalanǵan adam ne múldem aýyrmaidy, al aýyryp qalsa, ońai ótkeredi. Halqymyz bizdiń memleket vaktsina baǵytynda uzaq jumys istegenin bilýi kerek. Bizdiń elge eń senimdi vaktsina jetkizildi dep aitar edim», - dep túiindedi A.Allahverdiev.
Eske sala keteiik, Ázerbaijanda meditsinalyq qyzmetkerler 18 qańtardan bastap, al 65 jastan asqan adamdar 8 aqpannan bastap vaktsina alýda. Sonymen birge 12 aqpanda epidemiiaǵa qarsy sharalarǵa aralasqan politsiia qyzmetkerlerin vaktsinalaý bastaldy.
