Ázerbaijan Úkimetiniń qasyndaǵy jedel shtabtyń málimetinshe, elde karantindik rejim mamyr aiynyń 31-ine deiin saqtalady, - dep habarlaidy "Ult aqparat".
Sondai-aq, jańadan aýrý anyqtalǵandar men jazylǵandardyń sanyn eskere otyryp Baký, Sýmgaiyt, Giandja, Liankiaran, Absheron aýdany jáne taǵy birqatar óńirlerde keibir shekteýlerdi kezeń-kezeńimen jumsartý jóninde sheshim qabyldandy. Atalǵan jerlerde 4 mamyrdan bastap memlekettik mekemelerdiń, saýda nysandarynyń, shashtarazdardyń, sán salondarynyń jumysy jandanady.
Karantin kezinde elde qoǵamdyq oryndarda, parkterde, qoǵamdyq tamaqtaný oryndarynda 10 adamnan kóp shoǵyrlanýǵa bolmaidy. Respýblikadaǵy barlyq bilim berý mekemelerinde jumystyń toqtaýy 31 mamyrǵa deiin sozylady.
