Ázerbaijannyń áigili jazýshysy Anar Rasýl oǵly Rzaev barlyq túrki memleketterin Qorqyt týraly telehikaia túsirýdi usyndy, dep habarlaidy QazAqparat.
«Ázerbaijan men Qazaqstandy tereńge ketip jatqan tarihi tamyrlastyq pen ortaq din bailanystyrady. Al qazirgi dáýirde ekonomika men saiasat biriktirip tur. Eki eldiń táýelsizdik dáýirinde osy birliktiń negizin Geidar Áliev pen Elbasy Nursultan Nazarbaev qalap ketti. Nursultan Nazarbaevtyń Bakýde basylǵan kitabyna alǵysóz jazǵanyma qýanyshtymyn. Bizdiń Qazaqstanmen rýhani bailanysymyz sońǵy eki ǵasyrda tipten astasyp jatyr. HIH ǵasyrda Nizami Gánjaýi qypshaq arýy Appaqpen otaý quryp, erte aiyrylady. Sonyń kúiiginen «Sensiz» atty áigili óleńin jazdy. Bul óleń keiin romansqa ainaldy... Al Qorqyt eki halyqtyń ortaq babasy sanalady. Ázerbaijan IýNESKO-nyń qoldaýymen Qorqyttyń 1300 jyldyǵyn toilady. Kúi atasy týraly filmder túsirilip, kitaptar shyqty. Men qyrǵyz, ózbek, qazaq, túrikmen siiaqty baýyrlas memleketterdiń birlesip Qorqyt týraly telehikaia túsirgenin armandaimyn», - dedi Anar Rzaev.
