Ázerbaijan byltyr Qarabaqtaǵy qaqtyǵys kezinde tutqyndalǵan segiz armian soldatyn eline qaitardy. Taraptar shekaradaǵy jaǵdaidy ýshyqtyrmaý maqsatynda jańa kelissóz ótkizý máselesin qarastyryp jatyr.
Ázerbaijan resmi oryndarynyń habarlaýynsha, 7 aqpan kúngi qadam "gýmanistik printsipke" negizdelip júzege asyrylǵan. Aqparatqa qaraǵanda, armian soldattary Erevanǵa oralǵan. Arasynda byltyr qarashadaǵy shekara qaqtyǵysyna qatysy bar arnaiy jasaq ókilderi de bar.
Al Frantsiia prezidenti Emmanýel Makronnyń aitýynsha, Frantsiia atalǵan topty Ázerbaijannan alyp ketý úshin ushaq jibergen.
"Ázerbaijannyń 8 adamdy bosatýy jáne Armeniiaǵa qaitarýy - Emmanýel Makron, Ázerbaijan basshysy jáne Armeniia premer-ministrimen kezdesýden keiin baiqalǵan oń ózgeristerdiń biri" dep jazdy Týitter jelisinde Eýropa komissiiasynyń jetekshisi Sharl Mishel.
Baký buǵan deiin 2021 jyldyń 16 qarashasynda 7 soldat qaza boldy dep málimdegen. Armeniia alty azamattyń opat bolǵanyn jáne arnaiy jasaqtyń 30 múshesiniń tutqyndalǵanyn habarlaǵan.
