Foto: president.az
Búgin, 22 qańtarda Shveitsariianyń Davos qalasynda ótken Dúniejúzilik ekonomikalyq forým aiasynda Ázerbaijan Prezidenti Ilham Áliev Ýkraina Prezidenti Vladimir Zelenskiimen kezdesti, dep habarlaidy Ult.kz. Bul týraly Ázerbaijan Prezidentiniń baspasóz qyzmeti málimdegen.
Álievtiń baspasózi habarlaýynsha, kezdesý barysynda eki el arasyndaǵy saiasi, ekonomikalyq jáne gýmanitarlyq saladaǵy bailanystar, energetika salasyndaǵy yntymaqtastyq jáne aimaqtyq qaýipsizdik máseleleri talqylanǵan.
Aqparatqa súiensek, kezdesý Ýkraina tarapynyń bastamasymen ótken.
«22 qańtarda Ázerbaijan Respýblikasynyń Prezidenti Ilham Áliev Davosta qarsy taraptyń bastamasymen Ýkraina Prezidenti Vladimir Zelenskiimen kezdesti. Áńgime barysynda Ázerbaijan men Ýkraina arasyndaǵy saiasi, ekonomikalyq, gýmanitarlyq salalardaǵy bailanystar, energetika salasyndaǵy yntymaqtastyq jáne aimaqtyq qaýipsizdik máseleleri talqylandy», – delingen habarlamada.
Aita keteiik, Dúniejúzilik ekonomikalyq forýmda Zelenskii Reseimen qarýly qaqtyǵysta Ýkrainanyń strategiiasy diplomatiialyq sheshimge umtylý ekenin atap ótti. Ol Ýkraina úshin senimdi qaýipsizdik kepildikterin qamtamasyz etý qajettigin aitqan. Zelenskiidiń aitýynsha, «kúshti diplomatiia» qaqtyǵysty sheshýge jáne Eýropada uzaq merzimdi beibitshilikke negiz bola alady.
