Elimiz porttarynda Ázerbaijan men Irannan keletin kemelerge qyzmet kórsetý ýaqytsha toqtatylady, dep habarlaidy "Ult aqparat".
QR Indýstriia jáne infraqurylymdyq damý ministrliginiń málimetinshe, koronavirýstyń taralýynyń aldyn alý maqsatynda biylǵy 5 naýryzdan bastap osyndai shara qabyldanyp otyr.
«Ázerbaijan men Irannan keletin adamdar men avtokólik quraldaryn júrgizýshilermen tasymaldaityn teńiz kemelerine Aqtaý jáne Quryq porttarynda qyzmet kórsetýdiń ýaqytsha toqtatylady», - delingen vedomstvo habarlamasynda.
Sonymen qatar, sheteldik júk kemeleriniń ekipajdary úshin Aqtaý jáne Quryq porttarynda kemelerden shyǵýǵa shekteý qoiylady.
«Sanitarlyq-epidemiologiialyq qyzmetter halyqaralyq tasymaldardy júzege asyratyn qazaqstandyq kemeler ekipajdarynyń músheleri porttarda aýysqan kezde olarǵa baqylaýdy kúsheitetin bolady. Qabyldanatyn sharalar týraly aqparat Kaspii mańy memleketteriniń teńiz ákimshilikterine jetkiziledi», - dep túsindirdi ministrlik ókilderi.
