Búgin Aqparat jáne qoǵamdyq damý ministri Asqar Ýmarovtyń, Qazaqstan Azamattyq Aliansynyń prezidenti Baný Nurǵazievanyń jáne óńirlik qoǵamdyq uiym jetekshileriniń qatysýymen «Jańa Qazaqstan jaǵdaiyndaǵy azamattyq sektor men memlekettik organdardyń kommýnikatsiialary» taqyrybynda respýblikalyq seminar-trening bastaldy. Bul týraly QR Aqparat jáne qoǵamdyq damý ministrliginiń Facebook-tegi paraqshasynda habarlandy.
Ministr Asqar Ýmarov qatysýshylarǵa arnalǵan óz sózinde: "Úkimettik emes sektordyń orasan zor qoǵamdyq áleýeti bar, onyń ziiatkerlik kúshi men energetikasyn qarapaiym azamattardyń paidasyna, al saiyp kelgende – áleýmettik damýdyń igiligine ainaldyrý qajet", - dep atap ótti. Búgingi tańda Qazaqstanda 22 myńnan astam ÚEU tirkelgen, olardyń 17 myńǵa jýyǵy belsendi jumys isteidi.
Seminardyń basty maqsaty - memleket pen qoǵamnyń ózara is-qimyl formatyn zerdeleý. Eki kúndik trening aiasynda Azamattyq Alianstyń óńirlik ókilderi daǵdarysqa qarsy aqparattyq basqarý quraldaryn, memleket pen qoǵamnyń ózara is-qimylynyń jańa formatyn jáne áleýmettik mediadaǵy strategiialyq kommýnikatsiialardy talqylaidy.
«Eń bastysy — memlekettik júie ashyq, ádil bolýy tiis jáne birinshi kezekte adamǵa baǵdarlanýy tiis», - dedi Qazaqstan Azamattyq Aliansynyń prezidenti Baný Nurǵazieva.
Jańa Qazaqstan jaǵdaiynda azamattyq sektor men memlekettik organdardyń kommýnikatsiianyń ózekti máseleleri boiynsha seminar-treningtiń jumysy erteń jalǵasatyn bolady.
