بٷگٸن اقپارات جەنە قوعامدىق دامۋ مينيسترٸ اسقار ۋماروۆتىڭ, قازاقستان ازاماتتىق اليانسىنىڭ پرەزيدەنتٸ بانۋ نۇرعازيەۆانىڭ جەنە ٶڭٸرلٸك قوعامدىق ۇيىم جەتەكشٸلەرٸنٸڭ قاتىسۋىمەن «جاڭا قازاقستان جاعدايىنداعى ازاماتتىق سەكتور مەن مەملەكەتتٸك ورگانداردىڭ كوممۋنيكاتسييالارى» تاقىرىبىندا رەسپۋبليكالىق سەمينار-ترەنينگ باستالدى. بۇل تۋرالى قر اقپارات جەنە قوعامدىق دامۋ مينيسترلٸگٸنٸڭ Facebook-تەگٸ پاراقشاسىندا حابارلاندى.
مينيستر اسقار ۋماروۆ قاتىسۋشىلارعا ارنالعان ٶز سٶزٸندە: "ٷكٸمەتتٸك ەمەس سەكتوردىڭ وراسان زور قوعامدىق ەلەۋەتٸ بار, ونىڭ زيياتكەرلٸك كٷشٸ مەن ەنەرگەتيكاسىن قاراپايىم ازاماتتاردىڭ پايداسىنا, ال سايىپ كەلگەندە – ەلەۋمەتتٸك دامۋدىڭ يگٸلٸگٸنە اينالدىرۋ قاجەت", - دەپ اتاپ ٶتتٸ. بٷگٸنگٸ تاڭدا قازاقستاندا 22 مىڭنان استام ٷەۇ تٸركەلگەن, ولاردىڭ 17 مىڭعا جۋىعى بەلسەندٸ جۇمىس ٸستەيدٸ.
سەميناردىڭ باستى ماقساتى - مەملەكەت پەن قوعامنىڭ ٶزارا ٸس-قيمىل فورماتىن زەردەلەۋ. ەكٸ كٷندٸك ترەنينگ اياسىندا ازاماتتىق اليانستىڭ ٶڭٸرلٸك ٶكٸلدەرٸ داعدارىسقا قارسى اقپاراتتىق باسقارۋ قۇرالدارىن, مەملەكەت پەن قوعامنىڭ ٶزارا ٸس-قيمىلىنىڭ جاڭا فورماتىن جەنە ەلەۋمەتتٸك مەدياداعى ستراتەگييالىق كوممۋنيكاتسييالاردى تالقىلايدى.
«ەڭ باستىسى — مەملەكەتتٸك جٷيە اشىق, ەدٸل بولۋى تيٸس جەنە بٸرٸنشٸ كەزەكتە ادامعا باعدارلانۋى تيٸس», - دەدٸ قازاقستان ازاماتتىق اليانسىنىڭ پرەزيدەنتٸ بانۋ نۇرعازيەۆا.
جاڭا قازاقستان جاعدايىندا ازاماتتىق سەكتور مەن مەملەكەتتٸك ورگانداردىڭ كوممۋنيكاتسييانىڭ ٶزەكتٸ مەسەلەلەرٸ بويىنشا سەمينار-ترەنينگتٸڭ جۇمىسى ەرتەڭ جالعاساتىن بولادى.
