Polkovnik Baýyrjan Syzdyqov Qazaqstan Respýblikasy Tótenshe jaǵdailar ministrligi Azamattyq qorǵanys jáne áskeri bólimder komitetiniń tóraǵasy laýazymyna taǵaiyndaldy, dep habarlaidy "Ult aqparat".
Baýyrjan Mádiuly Syzdyqov 1973 jylǵy 14 maýsymda Shymkent oblysy Bógen aýdany Zadaria aýylynda dúniege kelgen.
2000 jyly Qazaq Memlekettik meditsinalyq ýniversitetin bitirgen, gigienist-epidemiolog dárigeri, 2010 jyly Resei Federatsiiasy Tótenshe jaǵdailar ministrliginiń Azamattyq qorǵaý akademiiasyn bitirgen, «komandalyq-shtabtyq operativti-taktikalyq azamattyq qorǵanys» mamandyǵy boiynsha basqarý salasyndaǵy mamany, 2019 jyly Máskeý qalasyndaǵy «Sinergiia» Máskeý qarjy-ónerkásip ýniversitetin bitirgen. Quqyqtaný magistri.
2001-2009 jyldar aralyǵynda Ońtústik Qazaqstan oblysy TJ basqarmasynyń aǵa ofitseri, 2010-2012 jyldar aralyǵynda QR TJM Azamattyq qorǵanys departamentiniń halyq pen aýmaqty qorǵaý basqarmasynyń bastyǵy qyzmetin atqarǵan. 2012-2014 jyldar aralyǵynda QR TJM Aqtóbe oblysy TJD bastyǵynyń orynbasary, 2014-2015 jyldar aralyǵynda QR IIM TJK Aqtóbe oblysy Tótenshe jaǵdailar departamentiniń bastyǵy, 2015-2019 jyldar aralyǵynda QR IIM TJK Aqtóbe oblysy Tótenshe jaǵdailar departamentiniń bastyǵy bolǵan.
2019 jyldyń qarasha aiynan bastap QR IIM TJK Nur-Sultan qalasy Tótenshe jaǵdailar departamentiniń bastyǵy qyzmetin atqaryp keldi.
