Sheteldik jáne halyqaralyq uiymdarmen bailanys ornatý jónindegi jumys sheńberinde, olardy azamattyq qoǵamdy damytý tartý úshin Azamattyq bastamalardy qoldaý ortalyǵynyń tóraǵasy Brijit Bardo qorynyń ókili Bridjit Olýamen kezdesti, dep habarlaidy QazAqparat.
Sharaǵa qatar jan-janýarlardy qorǵaý jónindegi jergilikti úkimettik emes uiymdar da qatysty.
Bridjit Olýa saparynyń basty maqsaty – usynylatyn áleýmettik qyzmetterdi jetildirý úshin jan-janýarlardy qorǵaý jónindegi úkimettik emes uiymdar men halyqaralyq uiymdardyń bailanysyn jolǵa qoiýýǵa septesý.
Onyń aitýynsha, Qazaqstan búgingi tańda jan-janýarlardyń quqyǵyn qorǵaýda qarym-qatynasty ózgertýge daiyn. Brijit Bardo qorynyń ókili sonymen qatar Azamattyq bastamalardy qoldaý ortalyǵynyń qyzmeti jan-janýarlardy qorǵaýǵa baǵyttalǵan grant alýshylarynyń jumysyna oń baǵa berdi.
«Brijit Bardo qoryna jan-janýarlarǵa, ásirese itter men mysyqtarǵa qatysty qatigezdik jasalatyny jóninde Qazaqstannan kóp suraý túsetindikten, pandemiiaǵa deiin biz Prezidentke tiisti shara qabyldaý jóninde ótinish joldaǵan edik. Qasym-Jomart Toqaev bizdiń hatqa jaýap berip, qor jumysynyń mańyzdylyǵyn atap ótti. Ol Qazaqstanda jan-janýarlarǵa degen qarym-qatynas ózgerýi kerektigine tolyq kelisetinin bildirdi», - dep atap ótti ol.
Bridjit Olýanyń aitýynsha, bul baǵyttaǵy jumys bastalyp ketken
«Qazaqstanda bizdiń qor Semeide veterinarlardy oqytý boiynsha baǵdarlamany iske asyryp jatyr. Búkil Qazaqstannyń veterinarlary sterilizatsiiany oqý úshin Semeige keledi, atalmysh baǵdarlamany bizdiń qor qarjylandyrylady», - dedi ol.
Bridjit Olýa Aqparat jáne qoǵamdyq damý ministrliginiń granttaryn iske asyrý sheńberinde volonterlerdiń qyzmetimen tanysqanyn aity. «Volonterlermen alynǵan granttar sheńberinde óte jaqsy ári aýqymdy jumys júrgizilgenin kórip otyrmyn. Osy iske jan-janýarlar men qoǵamǵa kómektesýge asyq ári osy maqsatqa jetý úshin óz múmkindigin usynýǵa daiyn kóp adamnyń, niet túzý adamdardyń tartylǵanyn kórgenime qýanyshtymyn», - dedi Bridjit Olýa.
Kezdesý barysynda meimandar ortalyqtyń qyzmetimen, onyń ishinde jan-janýarlardy qorǵaýda «Birgemiz: Ayala» granttyq jobasynyń birneshe nátijesimen tanysty, sondai-aq «Adamǵa – it dos» fotokórmesin tamashalady.
Osylaisha, búgingi kúni jan-janýarlarǵa jaýapty qarym-qatynasty qalyptastyrý maqsatynda Azamattyq bastamalardy qoldaý ortalyǵynyń qarjylandyrýymen «Qazaqstannyń volonterler ligasy» QQ «Birgemiz: Ayala» jobasyn júzege asyryp jatyr.
Azamattyq bastamalardy qoldaý ortalyǵynyń tóraǵasy Lima Diastyń aqparaty boiynsha, bir joba sheńberinde volonterlerdi tartý ǵana emes, sonymen qatar olar veterinariia, kinologiia jáne zoopsihologiia negizderin oqidy.
«Jan-janýarlardy qoldaý taqyryby Qazaqstannyń azamattyq qoǵamy úshin óte mańyzdy másele. Bizdiń ortalyq «Birgemiz: Ayala» jobasy sheńberinde aqparattyq, ákimshilik jáne kez kelgen kómek pen qoldaýdy kórsetedi. Osy joba aiasynda atalǵan baǵyttar boiynsha bastamalardy júzege asyrý úshin 500 myń teńge kóleminde 5 shaǵyn grant berildi.
Janýarlarǵa jaýapkershilikpen qaraýdy nasihattaýǵa baǵyttalǵan áleýmettik jobalardyń úzdik tájiribelerin jinaý, sondai-aq volonterlerdi veterinariia, kinologiia jáne zoopsihologiia negizderine oqytý jáne tartý arqyly zoovolonterlikti damytý jáne tanymal etý jumystary júrgizilip jatyr. Bul baǵyttaǵy jumys jalǵasady. Azamattyq bastamalardy qoldaý ortalyǵy qoǵamdyq úkimettik emes uiymdardyń, qoǵamdastyq toptary men eriktilerdiń bizdiń «kishi baýyrlarymyzdyń» quqyǵyn qorǵaý úshin birikkenine qatty qýanady», - dedi Lima Dias.
«Shiba Help Kz» bastamashyl tobynyń ókili Jámila Túskeldinova Brijit Bardo qorynyń ókili Bridjit Olýamen kezdesken sáttegi áserin bólisti. Onyń paiymdaýynsha, kezdesý sonymen qatar janýarlar quqyǵyn qorǵaý týraly zańnamany ózgertý boiynsha usynystardy talqylaýǵa múmkindik bergen.
«Bizde jáne Qazaqstannyń túrli qalalarynan kelgen panalaý oryndarynyń ókilderinde janýarlarǵa qatysty eldegi jaǵdai týraly pikirin aitýǵa múmkindik boldy, biz óz azabymyz ben qajettilikterimizdi aita aldyq. Sondai-aq, jaqynda ǵana Májiliske engen «Janýarlarǵa jaýapkershilikpen qaraý týraly» zań jobasyn talqylaýǵa óte jaqsy múmkindik boldy. Biz osy zańda qajetti pysyqtaýlardy, sondai-aq elimizdegi janýarlar problemalaryn sheshý úshin uiymdar tobynyń birlesken jumysynyń tiimdiligin talqyladyq», - dedi Jámila Túskeldina.
Is-shara qorytyndysy boiynsha taraptar yntymaqtastyqtyń birqatar áleýetti baǵytyn atap ótti, sonymen qatar jan-janýarlardy qorǵaýdy qamtamasyz etý boiynsha jumysty kúsheitýge kelisti.
Aita keterligi, qordyń qyzmeti Úkimet pen azamattardyń janýarlarǵa qatysty saiasatqa degen kózqarasyn ózgertýge baǵyttalǵan. Ol qańǵybas janýarlar problemasyna adamgershilik kózqarasty – zararsyzdandyrý, chipteý, vaktsinalaý jáne janýarlardyń quqyqtaryn keńeitý, sonymen qatar búkil álemdegi úkimettik emes uiymdarǵa qoldaý kórsetedi.
Qazaqstanda qor Nur-Sultandaǵy úisiz janýarlarǵa arnalǵan «Men tirimin» panalaý ornyna qarjylyq kómek kórsetti, sondai-aq Semei qalasyndaǵy janýarlardy tegin zararsyzdandyrý boiynsha «Tórt taban pliýs» QQ jobasyn qarjylandyrdy.
