QR Azamattyq aviatsiia komiteti kúrdeli meteojaǵdaiǵa bailanysty ushý erejelerine sáikes barlyq áýe kompaniialary men ekspýlatanttarǵa habarlama jiberdi. Bul týraly komitettiń Feisbýktegi paraqshasynda jariialandy, dep habarlaidy "Ult aqparat".
«Komitet azamattyq avitsaiia salasynda ushý erejesin qatań saqtaýdy eskertedi. Bul erejeler QR Investitsialar jáne damý ministrliginiń 2017 jyly 28 shildedegi HP509 buiryǵymen qabyldanǵan. Qujatta pribor boiynsha ushý erejeleri máseleleri men kúrdeli meteojaǵdai kezinde vizýaldy ushý erejeleri boiynsha ushý-qoný týraly sheshim qabyldaý týraly aitylǵan», - dedi habarlamada.
Eske sala ketsek, keshe Almatyda Naýryzbai aýdanyna qarasty Taý samaly shaǵyn aýdanynda tikushaq apatqa ushyrady. «Alataý» shipajaiynyń ashyq aýmaǵyna «Sky Service» áýe kompaniiasynyń jeke menshigindegi Evrokopter-130 tikushaǵy qulady.
51 jastaǵy ushqysh Valentin Shitov jedel járdem kóliginde qaitys boldy. Tikushaq Boraldai-Úlken Almaty kóli baǵytynda ushyp bara jatqan.
Al kóliktegi PD qyzmetkerleri atalǵan derekke bailanysty QR QK 344-babyna sáikes sotqa deiingi tergeý isi tizilimine tirkedi (Áýe kóligin paidalaný kezinde jol qozǵalysy erejelerin buzý). Qazir tergeý jumystary júrgizilip jatyr.
