Búgin búkil álem Dúniejúzilik úkimettik emes uiymdar kúnin atap ótýde, dep habarlaidy "Ult aqparat".
QR Mádeniet jáne aqparat ministri Aida Balaeva elimizdegi Úkimettik emes uiym ókilderin atalǵan merekemen quttyqtady.
"Qurmetti úkimettik emes uiym ókilderi!
Búgin búkil álem Dúniejúzilik úkimettik emes uiymdar kúnin atap ótýde. Qazaqstanda úkimettik emes sektor áleýmettik máselelerdi sheshý men azamattyq bastamalardy jandandyrýda memlekettiń senimdi seriktesi bolyp keledi. Memleket basshysy ÚEU rólin erekshe atap kórsetken.
Ózderińiz bilesizder, olar halyqtyń ómir súrý sapasyn jaqsartý men azamattyq qoǵamnyń rólin kúsheitýde mańyzdy ról atqarady. Qazir elimizde ÚEU-dy memlekettik qoldaý tetikteri qalyptasty. Atap aitsaq, memlekettik áleýmettik tapsyrys, granttyq qarjylandyrý jáne marapattaý", - dep jazdy ministr áleýmettik jelidegi paraqshasynda.
Aita keteiik, qazir elimizde 23 myńnan astam ÚEU bar, onyń 18 myńy belsendi jumys isteidi.
"Qoǵamdyq birlestikter men qoǵamdyq keńester týraly zańnamaǵa túzetýler engizildi.
Memlekettiń damýynyń negizgi resýrsy adami kapital, onyń áleýeti men damýy, iaǵni áleýmettik kapital.
Azamattarǵa investitsiia sala otyryp, biz árkim áleýmettik mindetterin júzege asyrýǵa óz úlesin qosatyn kúshti jáne damyǵan qoǵam qalyptastyramyz.
Qoǵamdaǵy áleýmettik máselelerdi sheshýde úlken ról atqaratyn azamattyq belsendilerdi Halyqaralyq úkimettik emes uiymdar kúnimen quttyqtaý men úshin úlken mártebe! Azamattyq qoǵam jaýapty, berekeli bolsyn!
Elimizdegi azamattyq qoǵamdy damytýdaǵy mańyzdy jáne negizgi mindetterdi júzege asyrýda barshańyzǵa sáttilik, shyǵarmashylyq tabys, jáne kásibi belsendilik tileimin!", - dep qosty Aida Balaeva.
