Sybailas jemqorlyqqa qarsy is-qimyl agenttigi memlekettik satyp alýlar salasynda zańdy jii buzatyn organdardy atady, dep habarlaidy Sputnik Qazaqstan.
Preventsiia departamentiniń asa mańyzdy ister jónindegi ofitseri Ainagúl Káripovanyń aitýynsha, búginde arnaiy elektrondy júie memlekettik satyp alýlar salasyndaǵy tártip buzýshylyqtardy onlain rejimde kórýge múmkindik beredi. Sonyń negizinde memlekettik organdardyń antireitingi jasaldy. Ondyqqa kirgenderdiń basym bóligi - bilim berý basqarmalary. Al jemqorlyq qaýpi joǵary reitingini "Azamattarǵa arnalǵan úkimet" AQ bastap tur.
"Ótken jyly osy kompaniia 37,7 milliard teńgege satyp alý ótkizdi. Osy aqshanyń 70 protsentten astamy bir kózden taýar men qyzmetti satyp alý arqyly igerildi", - dedi Káripova astanada ótken baspasóz máslihatynda.
Onyń sózine qaraǵanda, elektrondy júie kóptegen tártipbuzýshylyqtardy anyqtady. Sonyń ishinde baǵany artyq kórsetý jaǵdailary da bar. Máselen, osy uiymnyń mamandary A4 formatyndaǵy keńse qaǵazyn 1 600 - 3 800 teńgege satyp alady.
"Máselen, korporatsiianyń Shymkent qalasyndaǵy filialy qaǵazdyń bir býmasyn 4 334 teńgege satyp alsa, Túrkistandaǵy filial týra sondai qaǵazdy 2 700 teńgege alyp júr. Sonda aiyrmashylyǵy eki ese bolyp tur ǵoi", - dep atap kórsetti Káripova.
Budan bólek, korporatsiia filialdary ámbebap kompiýterdi 313 000 - 448 000 teńgege alyp júr. Al ondai taýardyń shyn baǵasy 190 000 myń teńgeden aspaidy. Bir qyzyǵy, biyl da "Azamattarǵa arnalǵan úkimet" memlekettik korporatsiiasy biýdjetti durys josparlap otyrǵan joq. Ony elektrondy júie kórsetip otyr.
Resmi málimetke sáikes, ótken jyly respýblikalyq biýdjettiń shyǵystary 12 trillion teńgeden asty. Sonyń 70 protsenti memlekettik satyp alýlar arqyly taratyldy.
