Ásemgúl Baltasheva «Azamattarǵa arnalǵan úkimet» memlekettik korporatsiiasynyń tóraiymy bolyp taǵaiyndaldy. Bul týraly «Azamattarǵa arnalǵan úkimet» korporatsiiasynyń qoǵammen bailanys departamentiniń direktory Murat Jumanbai Feisbýktegi paraqshasynda jazdy, dep habarlaidy QazAqparat.
Jalǵyz aktsioner - QR Tsifrlyq damý, qorǵanys jáne aeroǵarysh ónerkásibi ministrliginiń sheshimimen Ásemgúl Baltasheva «Azamattarǵa arnalǵan úkimet» memlekettik korporatsiiasynyń tóraiymy bolyp taǵaiyndaldy.
Ásemgúl Serikqyzy 1977 jyldyń 8 shildesine dúniege kelgen. Pavlodar memlekettik ýniversitetin (mamandyǵy - «býhgalterlik esep sharýashylyqtaǵy baqylaý jáne saraptama»), Qaraǵandy memlekettik tehnikalyq ýniversitetin (mamandyǵy - «ekonomika jáne menedjment») támamdaǵan.
1997-2011 jyldar aralyǵynda «Qazaqtelekom» AQ túrli laýazymdarda qyzmet atqarǵan.
2011-2012 jj. «Halyqqa qyzmet kórsetý ortalyǵy» RMM basqarǵan. Keiin «Halyqqa qyzmet kórsetý ortalyǵy» RMK-da direktor orynbasary, bas direktor qyzmetterin atqarǵan.
2016 jyly «Azamattarǵa arnalǵan úkimet» memlekettik korporatsiiasy qurylǵan shaqta memlekettik qyzmetterdiń kórsetilýi direktsiiasyna basshylyq etti.
2017 jyldyń mamyr aiynan bastap «Azamattarǵa arnalǵan úkimet» memlekettik korporatsiiasynyń basqarma tóraǵasynyń orynbasary qyzmetin atqarǵan.
