«Azamattarǵa arnalǵan úkimet» memlekettik korporatsiiasynyń tóraǵasy qyzmetine Ádil Qojyqov taǵaiyndaldy, dep habarlaidy "Ult aqparat".
«Azamattarǵa arnalǵan úkimet» memlekettik korporatsiiasy» kommertsiialyq emes aktsionerlik qoǵamynyń ujymyna jańa tóraǵa Ádil Qojyqovty tanystyrdym», - dep jazdy QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin Facebook paraqshasynda.
Á.Qojyqov 1978, jyly týǵan. Ál-Farabi atyndaǵy Qazaq ulttyq ýniversitetin «Saiasattaný» mamandyǵy boiynsha bitirgen.
Eńbek jolyn 2000 jyly Ortalyq Aziia saiasi zertteýler agenttiginde ǵylymi qyzmetker bolyp bastaǵan. Ár jyldary QR Prezidentiniń janyndaǵy Qazaqstan strategiialyq zertteýler institýtynda, QR SIM janyndaǵy Syrtqy saiasat jáne taldaý ortalyǵynda jumys istegen.
2005-2011 jyldar aralyǵynda QR Prezidentiniń Ákimshiliginde túrli laýazymdarda qyzmet atqarǵan: Qaýipsizdik Keńesi Hatshylyǵynyń aǵa sarapshysy, Aqparattyq-taldaý ortalyǵynda sektor meńgerýshisi, Baspasóz hatshynyń orynbasary, Strategiialyq ázirlemeler jáne taldaý ortalyǵy meńgerýshisiniń orynbasary bolǵan.
2011-2012 jyldary - QR Bailanys jáne aqparat ministrligi «Telekommýnikatsiia salasyndaǵy tehnikalyq súiemeldeý jáne taldaý ortalyǵy» RMK direktorynyń orynbasary.
2013-2014 jyldary - QR Premer-Ministri Keńsesi Aqparattyq-taldaý ortalyǵynyń meńgerýshisi. 2014 jylǵy sáýir - 2016 jylǵy qyrkúiek aralyǵynda «Taldaý jáne aqparat ortalyǵy» sharýashylyq júrgizý quqyǵyndaǵy respýblikalyq memlekettik kásipornynyń direktory laýazymyn atqardy.
2016 jylǵy qazan-jeltoqsan aralyǵynda QR Aqparat jáne kommýnikatsiialar ministriniń keńesshisi boldy.
Odan keiin Aqparat jáne kommýnikatsiialar ministrligine qarasty komitetti basqaryp, sońǵy ýaqytta QR Prezidenti Ákimshiliginde memlekettik inspektor bolyp eńbek etti.
