«Azamattarǵa arnalǵan úkimettiń» kadr rezervine irikteý 2021 jylǵy 1 naýryzda bastalyp, 30 sáýirde aiaqtaldy.
1-12 naýryz aralyǵynda tirkeýden ótken qatysýshylardan 1873 ótinim kelip tústi, dep habarlaidy "Ult aqparat" «Azamattarǵa arnalǵan úkimet» koroporatsiiasynyń resmi saityna silteme jasap.
Prezidenttik kadr rezerviniń tájiribesin eskere otyryp, úmitkerler birneshe kezeńnen turatyn irikteýden ótti. Olar test tapsyryp, sarapshylarmen suhbattasty.
Qorytyndy kezeńde úmitkerlerdi arnaiy komissiia iriktedi, onyń quramyna QR Parlamentiniń depýtattary, BAQ ókilderi, memleket jáne qoǵam qairatkerleri, HR-mamandary, Memlekettik qyzmet isteri agenttiginiń jáne sybailas jemqorlyqqa qarsy is-qimyl agenttiginiń ókilderi, Ulttyq qoǵamdyq senim keńesiniń músheleri, Memlekettik korporatsiianyń direktorlar keńesi men basqarmasynyń músheleri kirdi.
Nátijesinde «Daryndylar pýlyna» 353 adam qabyldandy.
«Daryndylar pýly» jobasyn QR Prezidenti Qasym-Jomart Toqaev qoldady, ol bizge irikteý kezeńderiniń barynsha ashyq ótýin tapsyrǵan bolatyn. Oǵan kez kelgen qazaqstandyq qatysa aldy. Jobany iske asyrý Memlekettik korporatsiiada meritokratiia qaǵidattaryn engizýge jáne «áleýmettik lift» tetikterin paidalanýǵa kómektesedi dep senemin. Rezervke ótkenderdiń taǵaiyndaýlary taiaý ýaqytta bos oryndar paida bolǵan kezde júzege asyrylady», – dedi «Azamattarǵa arnalǵan úkimet» basqarma tóraǵasy Ádil Qojyqov.
Jobanyń basty maqsaty – bolashaǵynan úmit kúttiretin qyzmetkerlerdi tabý, olardyń biliktiligin jetildirý jáne aldaǵy ýaqytta bos basshylyq laýazymdarǵa usyný.
Irikteýdi ázirleý kezinde «Prezidenttik Jastar kadr rezervi», «Elbasy Akademiiasynyń salalyq menedjerleri» jáne «Jas Órken» siiaqty uqsas jobalardyń tájiribesi eskerildi.
Osylaisha, «Daryndylar pýly» Qazaqstandaǵy kadrlar rezervin qurý boiynsha tórtinshi iri jobaǵa ainaldy.
